उच्च शेयरमूल्य भएको जनउत्थान सामुदायिक लघुवित्तको कस्तो छ वित्तीय अवस्था ?

२९ वैशाख, काठमाडौं । शेयरबजारमा उच्च शेयरमूल्य भएको जनउत्थान सामुदायिक लघुवित्त वित्तीय संस्थाको मुनाफा ९३ प्रतिशतले वृद्धि भएको छ ।

गत आवको तेस्रो त्रैमासमा १ करोड ८२ लाख १३ हजारमा मुनाफा गरेको उक्त कम्पनीले चालू आवको सोही अवधिमा ३ करोड ५१ लाख ६० हजार पुर्याएको छ ।

चालू आवको तेस्रो त्रैमासमा ब्याज आम्दानी,सञ्चालन नाफा २ करोड ६८ लाख खराब कर्जा उठाएकाले पनि कम्पनीको नाफामा वृद्धि भएको हो ।

गत आवको तेस्रो त्रैमासको तुलनामा चालू आवको सोही अवधिमा खुद ब्याज आम्दानी ५५ प्रतिशत र सञ्चालन नाफामा १२१ प्रतिशतले वृद्धि भएको छ । चुक्तापूँजी रू। ७ करोड ९२ लाख रहेको उक्त कम्पनीले जगेडामा रू। १२ करोड ६७ लाख २५ हजार गरेको छ ।

चालू आवको तेस्रो त्रैमाससम्ममा कम्पनीले १ अर्ब ३७ करोड ७२ लाख सापटि लिएर, ६६ करोड ३० लाख ७८ हजार निक्षेप संकलन गरेर १ अर्ब ९८ करोड ७८ लाख ८५ हजार कर्जा लगानी गरेको छ ।

कम्पनीको प्रतिशेयर आम्दानी ५९ दशमलव १९,मूल्य आम्दानी अनुपात ३९ दशमलव ३१,तरलता अनुपात शून्य दशमलव ५२ प्रतिशत र प्रतिशेयर नेटवर्थ  २६० दशमलव शून्य १ रहेको छ । हालसम्ममा कम्पनीले १९ ओटा जिल्लामा ३९ ओटा शाखा कार्यालयहरुबाट लघुवित्त सेवा प्रदान गर्दै आएको छ ।