थापामाथि जनमोर्चाले गर्यो कारबाही

२९ बैशाख, पोखरा । पार्टी ह्वीप अवज्ञा गर्ने सांसद कृष्ण थापालाई संसदीय दलका नेताबाट हटाएको छ । राष्ट्रिय जनमोर्चाले यसबारे गण्डकी  प्रदेशसभाका सभामुखलाई आजै औपचारिक पत्र दिएको छ ।

पार्टी ह्वीप अवज्ञा गर्ने थापाकै कारण प्रदेशमा वैकल्पिक सरकार बन्न सकेन । उनको मत निर्णायक थियो । पार्टीले नयाँ गठबन्धनका लागि समर्थन गर्न निर्देशन दिएपनि उनले मानेनन् ।

आज संसदीय दलको नेताबाट मात्र हटाइएको तर सांसद पद भने अहिले यथावत रहेको पनि पार्टीले जनाएको छ । यसबारे पछि निर्णय हुने बताइएको छ । मुख्यमन्त्री पृथ्वी सुब्बा गुरुङले राजीनामा दिएपछि आज बेलुकी ४ बजेसम्म वैकल्पिक सरकार बनाउन प्रदेश प्रमुखले दलहरुलाई समयसीमा दिएकी छन् ।