कृष्णचन्द्रले बुझाए प्रदेश प्रमुखलाई नयाँ मुख्यमन्त्रीको दाबीसहित निवदेन

२९ बैशाख, काठमाडाैं ।  गण्डकी प्रदेशको नयाँ मुख्यमन्त्री पदमा दाबीसहित नेपाली कांग्रेस संसदीय दलका नेता कृष्णचन्द्र नेपालीले प्रदेश प्रमुख कार्यालयमा निवदेन दर्ता गराएका छन्। गठबन्धनमा रहेका नेकपा माओवादी केन्द्र, जनमोर्चा नेपाल र जनता समाजवादी पार्टीको समर्थनमा उनले निवेदन दर्ता गराएका हुन्।

नेपाली कांग्रेसका १५, नेकपा माओवादी केन्द्रका सभामुखसहित १२, जनमोर्चा नेपालका ३ र जनता समाजवादी पार्टीका २ सांसदको समर्थन रहेको नेपालीले दर्ता गराएको निवेदन पत्रमा उल्लेख छ।

नेपालीले नेपालको संविधानको धारा १६८ को उपधारा २ अनुसार आफूलाई मुख्यमन्त्री पदमा नियुक्त गर्न अनुरोध गरेका छन्।  उनले निवेदन दर्ता गराएपछि प्रदेश प्रमुख सीता पौडेल संवैधानिक तथा राजनीतिक परामर्शमा छिन्।