कोरोनाको ‘रेडजोन’ मा वीरेन्द्रनगर
नेपालबहस संवाददाता
बैशाख २९, २०७८ बिहिबार ०:३३:३५
२९ वैशाख,कर्णाली । कोरोना भाइरस (कोभिड १९)को नयाँ भेरियन्टको संक्रमण तीव्र गतिमा फैलिएपछि सुर्खेतको वीरेन्द्रनगर नगरपालिका ‘रेड जोन’ मा छ । कर्णालीका अन्य स्थानीय तहमध्ये वीरेन्द्रनगरमा यसको संक्रमण तीव्र छ भने एक महिना नुपग्दै १५ जना नगरवासीको मृत्यु भइसकेको छ ।
नगर स्वास्थ्य शाखाले दुई हजार ८६ जना सक्रिय संक्रमित रहेको जनाएको छ । यो सङ्ख्या कर्णालीका सक्रिय संक्रमित सङ्ख्याको करीब ५० प्रतिशत हो । कर्णालीमा हाल सक्रिय संक्रमितको सङ्ख्या चार हजार ५०९ रहेको छ ।
नेपालमा कोरोनाको दोस्रो लहर भित्रिएसँगै प्रदेश राजधानी समेत रहेको वीरेन्द्रनगरलाई संक्रमणले गाँजेको हो । संक्रमण फैलिन नदिन कर्णालीमै पहिलोपटक जिल्ला प्रशासन कार्यालय सुर्खेतले गत चैत १४ गते मध्यरातिदेखि निषेधाज्ञा जारी गरेको थियो । यो निर्णय अझै पनि जारी रहेको भएपनि तथ्याङ्कले संक्रमण दर उच्च रहेको पुष्टि गरेको छ ।
निषेधाज्ञा खुकुलो हुँदा संक्रमण रोकथाममा जटिलता देखिएको भन्दै स्थानीय प्रशासनले पछिल्लोपटक निषेधाज्ञामा कडाइ गरेको छ । प्रशासनले आगामी जेठ १ गतेदेखि खाद्यान्नका पसलहरु सातामा तीन दिन ९आइतबार, मङ्गलबार र विहीबार० तथा फलफूल, तरकारी पसलहरु दैनिक बिहान ६ देखि ९ बजेसम्म मात्र खोल्ने व्यवस्था मिलाएको छ ।
जनघनत्व बढी हुनु, वीरेन्द्रनगर कर्णाली प्रदेशकै ‘होल्डिङ् सेन्टर’ हुनु र तराईसँग सुर्खेतको सीमा नाका जोडिनुजस्ता कारण यहाँ संक्रमण छिटो फैलिन पुगेको बताइएको छ । नगर प्रमुख देवकुमार सुवेदीले बढ्दो कोरोना सङ्कटलाई रोकथाम गर्न स्वास्थ्य पूर्वाधार व्यवस्थापन, उपचार र संक्रमितलाई परामर्श सेवाका लागि विभिन्न प्रयासहरु भइरहेको बताए । “जटिल स्वास्थ्य समस्या देखिएकाको मात्र अस्पतालमा राखेर औषधि उपचार गरिरहेका छौं, सामान्य लक्षण देखिएका बिरामीहरुलाई होम आइसोलेशनमै बस्न पे्ररित गरेका छौैं,” उनले भने, “उनीहरूको स्वास्थ्य परामर्शका लागि चिकित्सक सहितको ‘हेल्प डेस्क’ सञ्चालनमा ल्याइएको छ । यहाँका करीब ९० प्रतिशत संक्रमित होम आइसोलेशनमै बसेका छन् ।”
वीरेन्द्रनगरका संक्रमितहरुको प्रदेश अस्पताल, प्रदेश आयुर्वेद औषधालयका साथै कटकुवा र लाटीकोइली स्वास्थ्य चौकीमा बनाइएका आइसोलेशनहरूमा उपचार भइरहेको छ । कटकुवा स्वास्थ्य चौकीलाई नगरपालिकाले ५० शय्याको कोभिड विशेष अस्पतालकै रुपमा सेवा विस्तार गरिसकेको छ । अहिले कटकुवा २५ शय्या र लाटीकोइलीमा पाँच शय्यामात्र सञ्चालनमा छ ।
संक्रमित बोक्न अक्सिजनसहितका तीन वटा एम्बुलेन्स चौबिसै घण्टा तयारी अवस्थामा राखिएको नगर प्रमुख सुवेदीले जानकारी दिए । नगरपालिकाले वडामा कार्यरत स्वास्थ्य संस्थाका प्रमुखलाई सम्बन्धित वडामा रहेका सङ्क्रमितलाई परामर्श तथा अन्य समस्या समाधानका लागि सहयोग गर्न जिम्मेवारी तोकेको छ । कोभिड १९ बाट सिर्जित समस्या सुन्न र समाधानका लागि ‘हेल्प डेस्क’ समेत सुरु गरेको नगरपालिकाले जनाएको छ । त्यस्तै, परीक्षणको दायरा बढाउन सातामा तीन दिन पीसीआरका लागि स्वाब सङ्कलन गर्दै आएको छ ।
नेपालबहस संवाददाता
नेपालबहस डटकमको अंग्रेजी संस्करणका साथै अनलाइन टिभी पनि सञ्चालित छ । फेसबुक र ट्वीटरमार्फत पनि हामीसँग जोडिन सकिनेछ । नेपालबहसमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
लेखकबाट थपकर्णालीका हिमाली जिल्लामा देखिन थाल्यो औलो रोग
बैशाख १३, २०८१ बिहिबार
चैत २७ मा कर्णालीको मुख्यमन्त्री भएका कँडेलले बल्ल नियुक्त गरे एक जना मन्त्री
बैशाख १२, २०८१ बुधबार
कर्णालीमा मन्त्रालयको भागबण्डामै सकस, आज सानो आकारको मन्त्रीमण्डल बन्ने
बैशाख १२, २०८१ बुधबार
गृहमन्त्रीको आलोचना गर्ने युवकमाथि प्रहरीको चरम यातना
नेपालबहस संवाददाता
बैशाख १३, २०८१ बिहिबार
राज्यकोषबाट १-२ अर्ब निकालेर सहकारी पीडितलाई दिने गृहमन्त्रीको मुड !
नेपालबहस संवाददाता
बैशाख ११, २०८१ मंगलबार
भोलिदेखि कक्षा १२ को परीक्षा : तीन लाख ९० हजार आठ सय ४७ परीक्षार्थी सहभागी हुँदै
बैशाख १३, २०८१ बिहिबार
२७ करोड बढीको मुद्दामा विशेषले दियो सबैलाई सफाइ
बैशाख १३, २०८१ बिहिबार
पूर्वमन्त्री आलमसहित चार जनालाई जन्मकैदको फैसला
बैशाख १३, २०८१ बिहिबार
म्याग्दीमा पुख्र्यौली नाच प्रतियोगिता सुरु
बैशाख १३, २०८१ बिहिबार
योजना कार्यान्वयनका लागि रूपान्तरणका क्षेत्र पहिचान गरिएको छ : प्रधानमन्त्री प्रचण्ड
बैशाख १३, २०८१ बिहिबार
प्रहरीले १८ जनामा मुद्दा चलायो, सर्वोच्च पुग्दा सात बचे
बैशाख १३, २०८१ बिहिबार