ओलीलाई रोक्न पदमुक्त गर्नु आवश्यक

२९ बैशाख, काठमाडौं । नेकपा एमाले माधवकुमार नेपाल पक्षका नेता भीम रावलले प्रधानमन्त्री केपी ओलीलाई अलोकतान्त्रिक काम गर्नबाट रोक्न आफू पक्षीय सासदहरुले राजीनामा गर्नुपर्ने बताएका छन् ।

उनले सामाजिक सञ्चालमा बुधबार अपरान्ह ट्वीट गर्दै आफू पक्षीय सांसदहरुको राजीनामा राजनीतिक नैतिकता र कानूनी दृष्टिले धेरै उचित भएको बताएका छन् । एमालेको झलनाथ खनाल र माधव नेपाल समूहका २० सांसदले राजीनामा गर्न अन्तिम तयारीमा रहेका बेला सोही समूहका प्रभावशाली नेता रावलले यस्तो बताएका हुन् ।

असाधारण समस्याको समाधान गर्न असाधारण पाइला चाहिन्छ। थप राष्ट्रिय हित,पार्टी विधान विपरीत र अलोकतान्त्रिक कार्य गर्नबाट प्रम केपीलाई रोक्न पदमुक्त गर्नु आवश्यक छ।त्यसका लागि हामीले सांसद पदबाट राजीनामा गरी स्थिति निर्माण गर्नुपर्छ।यो राजनीतिक नैतिकता र कानूनी दृष्टिले धेरै उचित छ,’ उनले भनेका छन् ।