चैत मसान्तमा मुनाफा घटेका तीन बैंकसहित सात कम्पनीको उच्च शेयर माग, कुनको कति ?

२९ वैशाख, काठमाडौं । बुधबार शेयरबजारमा तीन वाणिज्य र एक विकास बैंकसहित ७ कम्पनीको शेयर खरिद माग उच्च रहेको छ । यस दिन नेपाल इन्फ्रास्ट्रक्चर बैंक, एनसीसी बैंक, मेगा बैंक, सेञ्चुरी बैंक र नारायणी डेभलपमेन्ट बैंकसहित अन्य दुई कम्पनीको शेयर खरिद माग उच्च देखिएको हो ।

यस दिन हिमाल दोलखा हाइड्रो र समता घरेलु लघुवित्तको शेयरमा उच्च शेयर खरिद माग रहेको छ ।

नेपाल इन्फ्रास्ट्रक्चर बैंक

यस दिन बजार बन्द हुने समयमा सबैभन्दा बढि नेपाल इन्फ्रास्ट्रक्चर बैंकको शेयरमा उच्च खरिद माग देखिएको हो । बैंकको शेयरमा ७ लाख ७१ हजार कित्ता खरिद माग रहेको छ ।

बैंकको शेयरमा ७ लाख ७१ हजार कित्ता खरिद माग आउँदा ८७ हजार कित्ता बिक्री आदेश रहेको छ । यस दिनसम्म बैंकको शेयरमूल्य ५३२ रुपैयाँ पुगेको छ ।

चार महिना अगाडि बैंकले अहिलेसम्मकै ठूलो संख्याको आईपीओ निष्कासन गरेको हो । आईपीओ बिक्री पश्चात कम्पनीले संस्थापक र सर्वसाधारण तर्फको गरी कुल २० लाख कित्ता शेयर नेप्सेमा सूचीकृत गरेको हो ।

नेप्सेले कम्पनीको पहिलो कारोबारका लागि प्रतिकित्ता ११३ दशमलव ६२ देखि ३४० दशमलव ८६ सम्मको मूल्य रेञ्ज तोकेको थियो । सूरुवाती केही दिनहरुमा सर्किट लाग्दै सात बढि शेयरमूल्य पुगेको बैंकको शेयरमूल्य घटेर यतिबेला ५ सय ३७ रुपैयाँ रहेको छ ।

एनसीसी बैंक

एनसीसी बैंकको शेयरमा खरिद माग उच्च रहेको छ । बैंकको शेयरमा ५ लाख ६५ हजार कित्ता खरिद माग रहेको छ ।

बैंकको शेयरमा ५ लाख ६५ हजार कित्ता खरिद माग आउँदा ८९ हजार कित्ता बिक्री आदेश रहेको छ । यस दिनसम्म बैंकको शेयरमूल्य ३६९ रुपैयाँ पुगेको छ ।

चालु आर्थिक वर्षको चैत मसान्तमा एनसीसी बैंकको मुनाफा ५.५५ प्रतिशतले घटेको छ । बैंकले गत आवको चैत समान्तसम्म १ अर्ब १६ करोड ५८ लाख रुपैयाँ मुनाफा गरेको थियो । जुन चालु आवको सोही अवधिमा आइपुग्दा ६४ करोड ७० लाख रुपैयाँले घटेर १ अर्ब १० करोड ११ लाख रुपैयाँमा सीमित भएको छ ।

सेञ्चरी बैंक

सेञ्चरी बैंकको शेयरमा खरिद माग उच्च रहेको छ । बैंकको शेयरमा ४ लाख ७५ हजार कित्ता खरिद माग रहेको छ । चालु आर्थिक वर्षको चैत मसान्तसम्मको वित्तीय विवरण खासै राम्रो नआएपनि बैंकको शेयरमा खरिद माग उच्च रहेको छ । चैत मसान्तमा बैंकको मुनाफा ६०।८९ प्रतिशतले घटेको छ ।

बैंकले गत आवको चैत समान्तसम्म ९१ करोड ५७ लाख रुपैयाँ मुनाफा गरेको थियो ।जुन चालु आवको सोही अवधिमा आइपुग्दा ५५ करोड ७६ लाख रुपैयाँले घटेर ३५ करोड ८१ लाख रुपैयाँमा सीमित भएको छ ।

समता घरेलु लघुवित्त

यस दिन समता घरेलु लघुवित्तको शेयरमा खरिद माग उच्च रहेको छ । घरेलु लघुवित्त र समता लघुवित्त मर्जर भई समता घरेलु लघुवित्तको एकीकृत कारोबार सुरु भएसंगै लघुवित्तको शेयरमा खरिद माग उच्च रहेको छ ।

आज लघुवित्तको शेयरमा करिब ४ लाख ८९ हजार कित्ता खरिद माग रहेको छ । उच्च शेयर खरिद माग रहेको लघुवित्तको शेयरमूल्य एक हजार बढि पुगेको छ ।

नारायणी डेभलपमेन्ट बैंक

नारायणी डेभलपमेन्ट बैंकको शेयरमा १७ हजार ६ सय कित्ता शेयर खरिद माग आउँदा १०२ कित्ता बिक्री ओदश रहेको छ । चैत मसान्तसम्ममा बैंकल ५२ लाख ५४ हजार नोक्सानी व्यहोरोको छ ।

गत आवको तेस्रो त्रैमासमा पनि कम्पनी १० लाख ९९ हजार नोक्सानी थियो । हिमाल दोलखा हाइड्रोको शेयरमा ४ लाख ६७, मेगा बैंकको शेयरमा साढे २ लाख कित्ता शेयर खरिद माग रहेको छ ।

कुन कम्पनीको शेयर कति माग