नेपाल चिकित्सक संघले गर्यो देशभर ‘रेडअलर्ट’को अपिल

२९ बैशाख, काठमाडौं । नेपाल चिकित्सक संघले कोरोना संक्रमणको अवस्था भयावह बन्दै गएको भन्दै देशभर ‘रेड अलर्ट’ घोषणा गरेको छ। चिकित्सक संघले एक विज्ञप्ति जारी गर्दै नेपालको स्वास्थ्य प्रणालीले थेग्नै नसक्ने अवस्था आएको भन्दै देशभर रेडअलर्ट जारी गरेको जनाएको छ।

कोरोना संक्रमणको पहिलो लहरसँगै सरकारले आवश्यक तयारी नगर्दा यो अवस्था आएको संघले जनाएको छ। स्वास्थ्य प्रणालीलाई थप ढल्न नदिन सबै एकजुट भएर महामारी नियन्त्रणमा लाग्न संघले अपिल गरेको छ। यस अवस्थमा सबैले समन्वयकारी भूमिका खेल्न संघले आग्रह गरेको छ।