राजीनामा टार्ने उपाय खोज्दै ओली, बालुवाटारमा स्थायी कमिटी बैठक जारी

३० बैशाख, काठमाडौं । नेकपा एमाले खनाल -नेपाल पक्षका सांसदहरु समूहिन राजीनामा दिने निश्कर्षमा पुगेपछि पार्टी अध्यक्ष केपी  ओलीले  सासदहरुको राजीनामा रोक्न आफ्नो पूर्वत निर्णयबाट पछि फर्कने सकेत गरेका छन् । नेपाल पक्षका सांसदहरुको राजीनामा रोक्क केही शर्त सहित जेठ २०७५ जेठ २ मा पार्टीलाई फर्कने आश्वसन दिने मनस्थितिमा ओली पुगेका छन् ।

तत्कालै निर्णय नगरेपनि दुवै पक्षका नेताहरुको कार्यदल गठन गर्ने र सोही कार्यदल सिफारिस अनुसार पार्टी एकतालाई कायम राख्न आवश्यक निर्णय पार्टीले गर्ने गरी स्थायी कमिटिबाट प्रस्ताव पारित गर्न लागेको ओली निकट नेताले बताए ।

पार्टी एकता बचाइ राख्ने ठुलो कुरा भएको भन्दै त्यसको लागि केही महत्व पूर्ण निर्णय आज ओलीले गर्ने र  त्यसमा एकता कार्यदल गठन देखि कारवाही फुकुवा लगायतका विषयहरुम हुन सक्ने बताइएको छ ।

नेपाल पक्षका योगेश भटराई गोकर्ण विष्ट लगायतका नेताहरुको आग्रहमा नै ओलीले त्यस्तो निर्णय गर्न लागेको त्यसले राजीनामाको संकट टार्ने एक स्थायी कमिटि सदस्यले बताए ।

यसैबीच ओली समूहका नेता तथा अर्थमन्त्री विष्णु पौडेल ओलीको सन्देश लिएर नेता नेपालसँग छलफल गर्न आज बिहानै नेपाल निवास कोटेश्वर पुगेका थिए । कोटेश्वरको भेटवार्त पछि एमाले स्थायी कमिटि बैठक बोलाइएको हो । बैठक अहिले बालुवाटारमा जारी छ ।

गत सोमवार प्रधानमन्त्री ओलीले संसदबाट विश्वासको मत लिन असफल भएपछि बहुमतीय सरकार गठनका लागि राष्ट्रपतिले दिएको समयसीमा आज सकिँदैछ ।