ज्यानमारा भाइरसले काठमाडौं जिल्ला अदालतका न्यायाधीश श्रेष्ठको मृत्यु

३० बैशाख, काठमाडौं । ज्यानमारा कोरोना भाइरसको संक्रमणबाट काठमाडौं जिल्ला अदालतका न्यायाधीशको ज्यान गएको छ । कोरोना संक्रमित काठमाडौं जिल्ला अदालतका न्यायाधीश बासुदेव लाल श्रेष्ठको उपचारको क्रममा टेकु अस्पतालमा मृत्यु भएको हो ।

श्रेष्ठ दुई साताअघि संक्रमित भएका थिए । स्वास्थ्य बिग्रदै गएपछि आइसियुमा राखेर उपचार गरिएको थियो । ललितपुरको इमाडोल घर भएका उनी दुई हप्तादेखि हप्तादेखि टेकु अस्पतालमा उपचाररत थिए । श्रेष्ठको बुधबार साँझ ५ बजे निधन भएको हो ।

कोरोना संक्रमणकै कारण रौतहट जिल्ला अदालतमा नासु पदमा कार्यरत कर्मचारी अनुठा राय यादवको पनि बुधबार नै निधन भएको छ ।