महताे र देउवाबीच भेटवार्ता

३० बैशाख, काठमाडौं । जनता समाजवादी पार्टी नेपालका वरिष्ठ नेता राजेन्द्र महताेले नेपाली कांग्रेस सभापति शेरबहादुर देउवासँग भेटवार्ता गरेका छन् । सभापति देउवालाई भेट्न महताे देउवा निवास पुगेका हुन् ।

सवा ११ बजेदेखि देउवा र महताेबीच भेटवार्ता भइरहेको देउवा निकट स्रोतले जानकारी दिएको छ । अध्यक्ष महन्थ ठाकुरसहित नेताहरुसँग सामूहिक भेटवार्ता गर्दै आइरहेका महताे आज एक्लै देउवालाई भेट्न पुगेका हुन्।

जसपाभित्र महन्थ र राजेन्द्र पक्षले अहिले सरकारका गठनमा आफूहरूको सहभागिता नरहेको बताउँदै आएका छन् । राष्ट्रपतिले दलहरूलाई सरकार गठनका लागि दिएको तीनदिनको समयसीमा आज सकिँदैछ ।