माधव पक्षको राजीनामा रोक्ने ओली सक्रिय, कानुन व्यवसायीद्धारा राजीनामा नगर्न सुझाव

३० बैशाख, काठमाडौं । वैकल्पिक सरकार बनाउन पार्टीकै असन्तुष्ट पक्ष सामूहिक राजीनामा गर्न अग्रसर भएपछि त्यसलाई रोक्न प्रधानमन्त्री केपी ओली अग्रसर भएका छन् ।

आजै उनले बालुवाटारमा स्थायी कमिटी बैठक राखी वरिष्ठ नेता माधवकुमार नेपाललगायत चार जनामाथिको कारवाही फुकुवा गरे । साथै, नेपाल पक्षका माग संबोधन गर्ने गरी सम्पूर्ण अधिकार आफैंमा केन्द्रित गराएका छन् ।

उता, नेता नेपाललाई राजीनामा नगर्न उनी निकट केही कानून ब्यवसायीहरुले सुझाएका छन् । वरिष्ठ अधिवक्ता शम्भु थापा, अधिवक्ताद्वय टीकाराम भट्टराई र गोविन्द बन्दी आज कोटेश्वर गई नेता नेपाललाई यस्तो सल्लाह दिएका हुन् ।

नेपाल भने जनता समाजवादी पार्टीको अन्तिम निर्णय पर्खेर बसेका छन् ।