देउवा निवास पुगे प्रचण्ड

३० बैशाख, काठमाडाैं । माओवादी केन्द्रका अध्‍यक्ष पुष्पकमल दाहाल ‘प्रचण्ड’ र नेपाली कांग्रेसका सभापति शेरबहादुर देउवा निवास पुगेका छन् । प्रधानमन्त्री केपी ओली र नेता माधव नेपालबीच भेट भइरहँदा देउवालाई भेट्न प्रचण्ड बुढानिलकण्ठ पुगेका हुन् ।

नयाँ सरकार गठनका लागि राष्ट्रपतिले दिएको समय सीमा बिहीबार सकिने भएकाले यसबारे छलफल हुने बताइएको छ । देउवाले यसअघि जनता समाजवादी पार्टीका अध्यक्ष महन्थ ठाकुर र नेता राजेन्द्र महतोसँग छलफल गरेका थिए।

छलफलमा ठाकुरले सरकार गठनमा जसपाको भर नपर्न भनेको स्रोतको दाबी छ। यसैबीच देउवाले अपरान्ह ४ बजे पार्टी पदाधिकारी बैठक राखेका छन्। कांग्रेसका एक नेताले दिएको जानकारीअनुसार पदाधिकारी र पूर्वपदाधिकारीलाई बैठकमा बोलाइएको छ।