चार नेतालाई कारबाही फुकुवा गरेको पत्र पठाए ओलीले

३० बैशाख, काठमाडौं । नेकपा एमाले अध्यक्ष एवम् प्रधानमन्त्री केपी ओलीले चार नेतालाई कारबाही फुकुवा गरेको पत्र पठाएका छन् ।एमाले स्थायी कमिटीको बिहीबार बसेको बैठकले नेताहरु माधवकुमार नेपाल, भीम रावल, घनश्याम भुसाल र सुरेन्द्र पाण्डेलाई पार्टी सदस्यबाट गरेको निलम्बन फुकुवा गर्ने निर्णय गरेको थियो ।

सोहीअनुसार चारै नेतालाई कारबाही फुकुवाको पत्र पठाइएको बताइएको छ । पत्रमा अध्यक्ष ओलीको हस्ताक्षर छ । ओलीले यी चार नेतालाई चैत १६ गते पार्टी सदस्यबाटै निलम्बन गरेका थिए।