प्रधानमन्त्री ओलीले शपथ लिदै, मन्त्रीमण्डलमा पुरानै टीमलाई निरन्तरता

३१,बैशाख, काठमाडौं । नेपालको ४३ औं प्रधामन्त्रीको रुपमा नियुक्त नेकपा एमालेका अध्यक्ष एवम् संसदीय दलका नेता केपी ओलीले आज दिउँसो प्रधानमन्त्री पदको शपथ लिने भएका छन् । राष्ट्रपति कार्यालयले आज दिउँसो २ बजेका लागि प्रधानमन्त्रीको शपथग्रहण कार्यक्रम तय गरेको छ ।

राष्ट्रपति  विध्यादेवी भण्डारीले ओलीलाई संविधानको धारा ७६ को उपधारा ३ अनुसार प्रधानमन्त्री नियुक्त गरेकी हुन् ।  वैशाख २७ गते प्रतिनिनिधिसभाबाट विश्वासको मत गुमाएपछि पदमुक्त भएका प्रधानमन्त्री ओली गठबन्धन सरकार बनाउन राष्ट्रपतिले आह्वान गरेको समयसीमाभित्र कुनै दलहरुको दावा नपरेपछि संसदमा प्रतिनिधित्व गर्ने ठूलो दलको हैसियतमा ओली पूनः  प्रधानमन्त्री बनेका हुन ।

प्रधानमन्त्री ओलीले अब ३० दिन भित्र संसदबाट विश्वासको मत लिनु पर्ने हुन्छ । विश्वासको मत लिनुअघिसम्म मन्त्रीमण्डलमा ओलीले पुरानै टीमलाई निरन्तरता दिने भएका छन् ।

यसअघि ओली २०७२ पहिलो पटक २०७४ फागुन ३ गते ओली दोस्रो कार्यकालका लागि प्रधानमन्त्री नियुक्त भएका थिए। यो ओलीको तेस्रो कार्यकाल हो ।