आज दिउँसो साढे २ बजे प्रधानमन्त्री ओलीको शपथ

३१ बैशाख, काठमाडाैं । प्रधानमन्त्रीमा नियुक्त भएका नेकपा एमालेका अध्यक्ष केपी ओलीले पद तथा गोपनियताको शपथ आज दिउँसो साढे २ बजे लिने भएका छन्।

राष्ट्रपति विद्यादेवी भण्डारीका स्वकीय सचिव भेषराज अधिकारीले प्रधानमन्त्री ओलीको शपथ दिउँसो साढे २ बजेलाई शितल निवासमा तय भएको जानकारी दिए। ओलीले आफूसँगै केही मन्त्रीलाई पनि शपथ खुवाउन सक्ने बताइएको छ।

बिहीबार राति राष्ट्रपति भण्डारीले ओलीलाई संविधानको धारा ७६ को ३ अनुसार अल्पमतको प्रधानमन्त्रीमा नियुक्त गरेकी थिइन्। संविधानको धारा ७६ को २ अनुसार दुई वा दुईभन्दा बढी दल मिलेर बहुमतको सरकार बनाउन दाबी नगरेपछि राष्ट्रपति भण्डारीले संसदको सबैभन्दा ठूलो दलको संसदीय दलको नेताको हैसियतमा ओलीलाई प्रधानमन्त्री नियुक्त गरेकी हुन्।