अधिकांश मन्त्री दोहरिंदै

३१ बैशाख, काठमाडौं । दुई तिहाईको प्रधानमन्त्रीबाट खसालिएका नेकपा एमाले अध्यक्ष केपी ओली आज अल्पमतको प्रधानमन्त्रीको शपथ लिंदैछन् । आफूसँगै उनले नेकपा एमालेकै माधव नेपाल पक्ष र जनता समाजवादी पक्षका केही नेतालाई मन्त्रीपदको शपथ गराउन चाहन्थे ।

त्यसका लागि उनले बिहानैदेखि जसपा अध्यक्ष र नेता नेपालसँग संवाद गरे । तर आफ्ना माग पूरा नभएसम्म मन्त्रिमण्डलमा सामेल नहुने दुबै पक्षले जवाफ फर्काएकाले उनी पुरानै सारथीलाई लिएर जाने भएका छन् ।

आज बिहान उनले आफू निकट नेताहरुलाई बालुवाटार बोलाएर लामै छलफल गरे । धेरैले सानो मन्त्रिमण्डल बनाउन सल्लाह दिएका थिए । तर पार्टी भित्रको समीकरण मिलाउन उनले माओवादीबाट आएकाहरुलाई फेरि पनि दोह¥याउने निर्णय गरेको बालुवाटार निकट स्रोतले बतायो ।

त्यसो हुँदा अहिलेकै धेरै मन्त्री दोहरिने सम्भावना देखियो–स्रोतले भन्यो । तर माओवादीबाट आएका अधिकांशको सांसद पद नरहेकाले अहिले नराख्ने की भन्ने सुझाव दिइएको थियो । तर प्रम ओलीले उनीहरुले दुखका बेला साथ दिएकाले अहिले नै समेट्नुपर्छ भन्ने धारणा प्रस्तुत गरेको स्रोतले उल्लेख गरेको छ ।

तर सांसद नभएकाहरुलाई फेरि मन्त्रीमा दोह¥याउनु राजनीतिक रुपमा अनैतिक रहेको धारणा कानूनविद्वहरुले व्यक्त गरेका छन् ।