नेपालले आफूपक्षीय नेताहरुको बैठक बोलाए

३१ बैशाख, काठमाडौं । नेकपा एमालेका नेता माधवकुमार नेपालले आफूपक्षीय नेताहरुको बैठक बोलाएका छन् । नेता नेपालले बिहीबार अध्यक्ष केपी ओली र आफूबीच भएको छलफल र सहमतिबारे जानकारी दिन आफू निकट नेताहरुको बैठक बोलाएका हुन् ।

दुई नेताबीचको छलफलमा पार्टी संरचना २०७५ जेठ २ को स्थितिमा फर्काउने र अध्यक्ष ओली पक्षले फागुन २८ गते गरेको निर्णयबारे छलफल गर्न कार्यदल गठन गर्ने सहमति भएको थियो ।

उक्त सहमतिपछि माधव नेपाल पक्षका सांसदले सांसद पदबाट राजीनामा दिने तयारी स्थगित भएको थियो । बैठक आज शुक्रबार दिउँसो २ बजे भर्चुअल माध्यमबाट गरिने छ ।