मन्त्रिपरिषद गठन गरी कार्यविभाजन, को-कहाँ ?

३१ बैशाख, काठमाडौं । राष्ट्रपति विद्यादेवी भण्डारीले मन्त्रिपरिषद गठन गरी कार्यविभाजन गरेकी छन् । राष्ट्रपतिले नेपालको संविधानको धार ७६ को उपधारा ९ तथा धारा ७८ को उपधारा १ बमोजिम प्रधानमन्त्री केपी ओलीको सिफारिसमा मन्त्रिापरिषद गठन गरी कार्य विभाजन गरेकी हुन्। नवगठित मन्त्रिपरिषद २५ सदस्यीय छ । जसमा एकजना प्रधानमन्त्री, एकजना उपप्रधानमन्त्री, २० मन्त्री र तीन राज्यमन्त्री छन्।

ओलीले आज विस्तार गरेको मन्त्रिमण्डलमा सबै यसअघिकै सरकारका सदस्यहरु रहेका छन् । राष्ट्रपति विद्यादेवी भण्डारीबाट प्रतिनिधिसभाको ठूलो दलका नेताका हैसियतमा संविधानको धारा ७६ को उपधारा ‘३’ बमोजिम बिहीबार नियुक्त प्रधानमन्त्री ओलीले रक्षा मन्त्रालयको जिम्मेवारी आफूले सम्हालेका छन् भने उपप्रधानमन्त्री ईश्वर पोखरेललाई प्रधानमन्त्री तथा मन्त्रिपरिषद्को कार्यालयको मन्त्रीको जिम्मा भएको छ ।

विस्तारित मन्त्रिपरिषद्मा २२ मन्त्री र तीन राज्यमन्त्री छन् । नियुक्तमध्ये २० मन्त्री र दुई राज्यमन्त्रीले आज पद तथा गोपनीयताको शपथ लिए ।