जसपाकाे बालकुमारीमा कुनै बैठक नडाकिएको ठाकुरकाे दाबी

१ जेठ, काठमाडौं । जनता मसाजवादी पार्टी ‘जसपा’ का अध्यक्ष महन्थ ठाकुरले पार्टी कार्यालय, बालकुमारीमा कुनै बैठक नडाकिएको बताएका छन् । शनिवार विज्ञप्ति जारी गर्दै अध्यक्ष ठाकुरले भनेका छन्– ‘जनता समाजवादी पार्टी नेपालको केन्द्रीय कार्यकारिणी समितिको कुनै बैठक नडाकिएको र त्यस्तो जानकारीसमेत हामीलाई नभएको ब्यहोरा सम्बन्धिन सबैलाई स्पष्ट गरिन्छ ।’

‘जनता समाजवादी पार्टी नेपालको केन्द्रीय कार्यकारिणी समितिको बैठक आजै दिनको १ बजेबाट पार्टी कार्यालयमा जारी रहेको भनि विभिन्न सञ्चारमाध्यमबाट एवम् सामाजिक सञ्जालबाट सूचना एवम् समाचारहरु सम्प्रेषित भैरहेको प्रति मेरो गम्भीर ध्यानाकर्षण भएको छ’, ठाकुरले जारी गरेको विज्ञप्तिमा भनिएको छ, ‘जनता समाजवादी पार्टी नेपालको केन्द्रीय कार्यकारिणी समितिको कुनै बैठक नडाकिएको र त्यसो जानकारी समेत हामीलाई नभएको व्यहोरा सम्बन्धित सबैलाई स्पष्ट गरिन्छ ।’

शुक्रवार महन्थ–राजेन्द्र महतो पक्षका सांसदहरुले महतोलाई दलको नेतामा चनय गरेपछि जसपाभित्र विवाद चुलिएको छ।