मध्यरातमा ओलीलाई भेटेको जसपा नेता भट्टराईको स्वीकारोक्ति

२ जेठ काठमाडौं । जनता समाजवादी पार्टी (जसपा) का नेता डा. बाबुराम भट्टराईले मध्यरातमा प्रधानमन्त्री केपी ओलीलाई भेटेर आफैलाई प्रधानमन्त्री बनाउन ओलीसँग प्रस्ताव गरेको भन्ने खवरहरु बाहिर आइरहँदा  ओलीलाई भेट गरेको विषय भट्टराईले स्वीकार गरेका छन् ।

आफुलाई प्रधानमन्त्री बनाइदेउ भनेर भेटन नगई  राष्ट्रिय सरकारका बनाउन आवश्यक रहेको, त्यसका लागि पूर्व प्रमबाहेक जो कोहीलाई पनि बनाउन सकिने प्रस्ताव ओलीलाई राखेको तर ओलीले राष्ट्रिय सरकार बनाउन नमानेपछि यो कुरा अरुलाई नभनेको भट्टराईले जानकारी दिएका छन् ।

‘प्रमले दूतमार्फत बोलेकाले बोल्नैपर्ने भयाे,‘महाविपत्ति उन्मुख देशलाई निकास दिन मैले व्यक्ति ओली हैन, प्रम ओलीलाई भेटेकै हो । मैले वर्तमान/पूर्व प्रम बाहेकका व्यक्तिको नेतृत्वमा राष्ट्रिय सरकार बनाऊ भनेकै हो । बहाँले नमानेपछि अरूलाई नभनेको हुँ,’ भट्टराईले लेखेका छन् । उनले अझै पनि धारा ७६(५) बमोजिम बनाउन सकिने बताउँदै त्यसबारे सोच्न आग्रह पनि गरेका छन् ।

ओली निकट एमाले नेता महेश बस्नेतले हालै एक टेलिभिजन अन्तर्वार्तामा डा. भट्टराईले मध्यराती १ बजे प्रधानमन्त्री ओलीलाई  भेटेर प्रधानमन्त्री पद मागेको अभिव्यक्ति दिएका थिए । त्यही सन्दर्भमा भट्टराईले ओलीलाई आफूले भेटेको र भेट राष्ट्रिय सरकार बनाउन भनेको प्रष्टीकरण दिएका हुन ।