याम्दीपुल मुनी झोलामा फेला पर्यो दुई शिशुको भ्रुण !

२ जेठ, पोखरा । पोखराको हेम्जा याम्दीपुल मुनी फालिएको अवस्थामा दुई शिशुको भ्रुण भेटिएको छ । उक्त पुलबाट एक महिलाले दुई शिशुको भ्रुण फालेर गएको खुलासा भएको हो ।

पुल मुनी माछा मार्ने क्रममा बच्चाहरुले देखेपछी हल्लाखल्ला हुदाँ प्रहरीलाई खबर गरेका थिए । स्थानीय थमन ल्हेगेले प्रहरीलाई दिएको जानकारी अनुसार ती दुई शिशुको भ्रुणहरु बेलुका नै कोही कसैले राती नै ल्याएर फालिएको हुन सक्ने बुझिएको छ ।

प्रहरीका अनुसार माछा मार्ने बच्चाहरुले सुरुमा देखेपछी अर्को पनि रहेको भने पछी खोजी गर्ने क्रममा साई अर्चना हस्पिटल प्रालि लेखिएको दवाइ राख्ने झोलामा अर्को भ्रुण पनि फेला परेको बताइएको छ ।

सुरुमा झोलाभित्र रहेको भ्रुणलाई स्थानीयहरुले बाहिर निकाएका थिए । तमुका अनुसार दुवै भ्रुसण छोरा भएको बताएका छन । हेर्दा ५ देखि ६ महिना पुगेको जस्तो देखिन्छ उनले भने लिङ्गपनि छुटिएको छ । दुवै छोरा हुन ।