शिखर इन्स्योरेन्सले हकप्रद शेयर निष्कासन गर्ने, पायो इक्रा एपीआरए रेटिङ

२ जेठ, काठमाडौं । शिखर इन्स्योरेन्स कम्पनीले हकप्रद शेयर निष्कासन गर्ने भएको छ ।

कम्पनीले हकप्रद शेयर निष्कासन गर्नका लागि इक्रा नेपालमा रेटिङ गराएको हो । इक्रा नेपालले कम्पनीको हकप्रदलाई इक्रा एपीआरए रेटिङ प्रदान गरेको छ ।

कम्पनीको क्रेडिट रिस्क कम रहेको उल्लेख गरेको छ । कम्पनीले ३० प्रतिशत हकप्रद शेयर निष्कासन गर्ने प्रस्ताव साधारण सभाबाट पारित गरिसेकको छ । कम्पनीले उक्त हकप्रद शेयर निष्कासन गर्नका लागि नियामक निकाय बीमा समितिबाट पनि स्वीकृति पाएको जानकारी दिएको छ ।

हाल कम्पनीको चुक्तापूँजी १ अर्ब ७५ करोड रहेको छ । ३० प्रतिशत हकप्रद शेयर निष्कासन पछि पूँजी २ अर्ब २८ करोड पुग्नेछ ।

कम्पनीले हकप्रद शेयर निष्कासन गर्ने भएसँगै शेयर मूल्य आइतवार यो समाचार तयार पार्दाको अवधि ११ः४० बजेसम्ममा  ८ दशमलव १ प्रतिशतले वृद्धि भएको छ । योदिन कम्पनीको शेयर मूल्य प्रतिकित्ता २ हजार ९० पुगेको हो ।