विराटनगरमा उपचाररत विभिन्‍न अस्पतालमा १२ संक्रमितको मृत्यु

२ जेठ, काठमाडौं । ज्यानमारा काेराेना भाइरसबाट पछिल्लो १२ घण्टामा विराटनगरका अलग-अलग अस्पतालमा कोरोना संक्रमणका कारण थप १२ जनाको मृत्यु भएको छ ।

विराटनगरस्थित कोभिड १९ उपचार केन्द्रमा विराटनगर- १ का ३४ वर्षीया महिला, विराटनगर- १४ का ६८ वर्षका पुरुष, सुनवर्षी नपगरपालिका-३ मोरङका ५३ वर्षका पुरुषको उपचारको क्रममा मृत्यु भएको हाे ।

यसै गरी विराटनगरस्थित नोबेल शिक्षण अस्पतालमा विराटनगर महानगरपालिका- ४ का ५२ वर्षका पुरुष, विराटनगर-१ का ३५ वर्षका पुरुष, बेल्टार-५ उदयपुरका ५६ वर्षका पुरुष, पथरी सनिश्चरे-१ मोरङका ६४ वर्षकी महिला, सिराहा- ६ का ६२ वर्षका पुरुष, सिराहा- ७ का ६९ वर्षका पुरुष र मोरङको सुन्दर हरैँचा-९ की ६० वर्षकी महिलाको उपचारको क्रममा मृत्यु भएको हाे ।

यसैगरी विराट अस्पतालमा सर्लाही-१ लालबन्धी का ३५ वर्षकी महिलाको र इलाम-८ का ३४ वर्षका पुरुषको उपचारकै क्रममा मृत्यु भएको बताइएकाे छ ।