एनआरएन युकेले सय अक्सिजन कन्सन्ट्रेटर सहयोग गर्ने
नेपालबहस संवाददाता
जेठ २, २०७८ आइतबार २०:११:५५
२ जेठ,लन्डन । नेपाली दूतावास लन्डनको प्रमुख संयोजनमा शनिबार बेलायतमा रहेका विभिन्न नेपाली सङ्घसंस्थाका प्रतिनिधिबीच एक बैठक सम्पन्न भएको छ । गैरआवासीय नेपाली संघ युकेसहित बेलायतका करीब ६० नेपाली संघसंस्थाको उपस्थिति रहेको बैठकमा नेपालमा बढ्दै गइरहेको कोरोना रोकथाम र नियन्त्रणका लागि पहिलो चरणमा सय वटा अक्सिजन कन्सन्ट्रेटर नेपाल सरकारलाई सहयोग गर्न घोषणा गरिएको छ ।
बैठकलाई सम्बोधन गर्दै बेलायतका लागि नेपाली राजदूत लोकदर्शन रेग्मीले विदेशबाट सबैले सक्दो सहयोग गरिरहेको भए पनि गैरआवसीय नेपाली संघ युकेको पहलमा कम्तीमा सय वटा अक्सिजन कन्सन्ट्रेटर पठाउन पहल गर्न आग्रह गरेका थिए ।
उनले नेपाल पठाउन र त्यहाँ वितरण गर्न नेपाली दूतावासले सहयोग र समन्वय गर्ने हुँदा ढुक्क भएर सहयोग अभियान थाल्न अनुरोध गरे । साथै उनले सहयोग अभियानमा सामग्री सोचेभन्दा बढी नै जम्मा पार्न सकियो भने आवश्यक परे हवाई चार्टर्ड गर्न पनि दूतावासले पहल गर्ने बताए ।
यस्तै गैरआवसीय नेपाली संघ युकेका पूर्वअध्यक्ष एवं समाजसेवी सूर्य गुरुङले आपत्का बेला विदेश बस्ने नेपाली एकजुट हुने गरेका सुनाए । सन् २०१५ मा नेपालमा भूकम्प जाँदा नेपाली दूतावास लन्डनले नेपाली संघसंस्थालाई एकबद्ध गराएर सहयोग पठाइएको उनले स्मरण गराए । उक्त समयमा गुरुङकै पहलमा रु छ लाख आर्थिक सहयोग नेपाल पठाइएको थियो ।
गैरआवासीय नेपाली संघ युकेका अध्यक्ष पुनम गुरुङले देश रोइरहेको बेला हामी हाँस्न सक्दैनौँ र यो विपद्मा सबै एकजुट हुन आग्रह गरे । बैठकमा विभिन्न संघसंस्थाका प्रतिनिधिले आ–आफ्नो संस्थाबाट कम्तीमा एउटा अक्सिजन कन्सन्ट्रेटर सहयोग दिने बताएका थिए । संघसंस्थाले एकदुई दिनभित्रै आफूले घोषणा गरेको रकम जम्मा गरी एक हप्ताभित्र सामग्री नेपाल पु¥याउने र त्यसका लागि एउटा सानो कार्यदल पनि घोषणा गर्ने अध्यक्ष गुरुङले जानकारी दिए ।
नेपालबहस संवाददाता
नेपालबहस डटकमको अंग्रेजी संस्करणका साथै अनलाइन टिभी पनि सञ्चालित छ । फेसबुक र ट्वीटरमार्फत पनि हामीसँग जोडिन सकिनेछ । नेपालबहसमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
लेखकबाट थपसानुबाबुका ११ गुदी मन्त्र, जसले अमेरिकामा व्यवसाय पूर्व तपाईँका आँखा खोल्छ !
चैत २८, २०८० बुधबार
पोर्चुगलमा समुद्रमा डुबेर एक नेपालीको मृत्यु, अर्का युवा बेपत्ता
चैत २६, २०८० सोमबार
सडक आश्रित मानवमुक्त राष्ट्र निर्माणमा अष्ट्रेलियावासीको सहयोग
चैत २५, २०८० आइतबार
गृहमन्त्रीको आलोचना गर्ने युवकमाथि प्रहरीको चरम यातना
नेपालबहस संवाददाता
बैशाख १३, २०८१ बिहिबार
राज्यकोषबाट १-२ अर्ब निकालेर सहकारी पीडितलाई दिने गृहमन्त्रीको मुड !
नेपालबहस संवाददाता
बैशाख ११, २०८१ मंगलबार
भोलिदेखि कक्षा १२ को परीक्षा : तीन लाख ९० हजार आठ सय ४७ परीक्षार्थी सहभागी हुँदै
बैशाख १३, २०८१ बिहिबार
२७ करोड बढीको मुद्दामा विशेषले दियो सबैलाई सफाइ
बैशाख १३, २०८१ बिहिबार
पूर्वमन्त्री आलमसहित चार जनालाई जन्मकैदको फैसला
बैशाख १३, २०८१ बिहिबार
म्याग्दीमा पुख्र्यौली नाच प्रतियोगिता सुरु
बैशाख १३, २०८१ बिहिबार
योजना कार्यान्वयनका लागि रूपान्तरणका क्षेत्र पहिचान गरिएको छ : प्रधानमन्त्री प्रचण्ड
बैशाख १३, २०८१ बिहिबार
प्रहरीले १८ जनामा मुद्दा चलायो, सर्वोच्च पुग्दा सात बचे
बैशाख १३, २०८१ बिहिबार