आइतबार यी आठ कम्पनीको सर्किट लेबलमा कारोबार

२ जेठ, काठमाडौं । साताको पहिलो कारोबार दिन आइतबार नेप्सेमा आठ कम्पनीको सर्किट लेबलमा कारोबार भएको हो । यस दिन रु रु जलविद्युतका शेयरमूल्यमा सकारात्मक सर्किट लागेको हो । त्यस्तै, शिखर इन्स्योरेन्स, बिशाल बजार, प्रोग्रसिप फाइनान्स, सप्तकोशी डेभलपमेन्ट बैंक, आईएमई जनरल इन्स्योरेन्स, बरुण कम्पनी र समता घरेलु लघुवित्तको सर्किट लेबलमा कारोबार भएको हो ।

यस दिन रु रु जलविद्युत कम्पनीको शेयरमूल्य १० प्रतिशतले वृद्धि भएको हो । त्यस्तै, शिखर इन्स्योरेन्स, बिशाल बजार, प्रोग्रसिप फाइनान्स, सप्तकोशी डेभलपमेन्ट बैंक र समता घरेलु लघुवित्त ९ प्रतिशत बढिले वृद्धि भएको हो ।

रु रु जलविद्युत कम्पनीको प्रतिकित्ता शेयरमूल्य ८ सय ८० रुपैयाँ पुगेको छ । आज कम्पनीको शेयरमा उच्च शेयर खरिद माग आउँदा शून्य कित्ता बिक्री अर्डर रहेको छ ।

शिखर इन्स्योरेन्सको प्रतिकित्ता शेयरमूल्य २१ सय २८ रुपैयाँ पुगेको छ । त्यस्तै, बिशाल बजारको प्रतिकित्ता शेयरमूल्य ६ हजार ५ सय १६ रुपैयाँ, प्रोग्रसिप फाइनान्सको शेयरमूल्य २ सय २१ रुपैयाँ, सप्तकोशी डेभलपमेन्ट बैंकको २२२ रुपैयाँ, बरुण कम्पनीको ३१४, आईएमई इन्स्योरेन्सको १२ सय ५५ र समता घरेलुको १२ सय ८२ रुपैयाँ पुगेको छ ।