एमाले विवाद मिलाउन कार्यदल गठन, संयोजकमा भीम रावल

२ जेठ, कठमाडौं । नेकपा एमाले भित्रको विवादको हल खोज्न वार्ताका बसेका अध्यक्ष केपी ओली र वरिष्ठ नेता माधवकुमार नेपाल कार्यदल बनाउन सहमत भएका छन् । कार्यदल १० सदस्यीय रहेको छ ।

आज भर्खरै सिंहदरबारमा बसेका नेताहरुले पार्टी उपाध्यक्ष भीम रावललाई नेपाल पक्षको नेतृत्व गर्नेगरी र संसदीय दलका उपनेता सुभाषचन्द्र नेम्बाङलाई ओलीका तर्फबाट नेतृत्व गर्नेगरी कार्यदल बनाइएको हो ।

कार्यदलमा दुबैतर्फबाट पाँच पाँच जना रहने भएका छन् । ओली पक्षबाट उप महासचिव विष्णु पौडेल,प्रदीप ज्ञवाली, शंकर पोखरेल र विष्णु रिमाल रहेका छन् ।

यस्तै नेपाल पक्षबाट रावलका अतिरिक्त उपमहासचिव घनश्याम भूषाल, सचिव गोकर्ण विष्ट, सुरेन्द्र पाण्डे र रघुजी पन्त रहेका छन् ।
कार्यदलले तीन दिन भित्र काम सक्ने समझदारी बनेको छ ।