संक्रमितको उपचारका लागि स्रोतको अभाव हुन दिईँदैनः आन्तरिक मामिला मन्त्री पाण्डे

२ जेठ, बिदुर । बागमती प्रदेश सरकारका आन्तरिक मामिला तथा कानुन कानुन मन्त्री केशवराज पाण्डेले कोरोना संक्रमितहरुको उपचारमा स्रोतको अभाव हुन नदिईने स्पष्ट पार्दे कोराना बिरुद्धको अभियानमा राज्यले लिएका नीतिहरुको पूर्ण कार्यान्वयनमा सबैको साथ आवश्यक रहेको धारणा ब्यक्त गरेका छन् ।

आईतबार बिहान नुवाकोट, रसुवा र धादिङका कोरोना संक्रमितहरुको उपचार गर्दे आएको त्रिशूली अस्पतालले उपलब्ध गराउँदै आएको सेवाहरु र कोरोना उपचारका बिबिध पक्षहरुका बारेमा जानकारी लिएपछि अस्पताल ब्यवस्थापनसंगको अन्तरक्रियामा मन्त्री पाण्डेले अस्पतालमा आवश्यक जनशक्ति र स्रोतको बयवस्थापन गरी चाँडै नै आईसियु र एचडियु कक्षहरु थप गर्न प्रकृया अघि बढाईएको जानकारी समेत दिए ।

त्रिशूली अस्पताल प्रदेशकै नमुना अस्पतालको रुपमा रहेको र कोरोना संक्रमितको उपचारमा अस्पतालले उपलब्ध गराएको सेवाहरु प्रशंसनीय रहेको बताउँदै त्यसक्रममा प्रदेश सरकारको बिपद व्यवस्थापन समितिका संयोजक समेत रहेका मन्त्री पाण्डेले अस्पतालको ब्यवस्थापकीय र प्राबिधिक पक्षलाई अझ सुदृढ बनाउँदै कोरोना बिरुद्धको अभियानमा क्रियाशिल हुने सन्दर्भमा ब्यवस्थापनले अपेक्षा गरेको स्रोतको ब्यवस्थापन गरिने प्रतिबद्धता समेत जनाए ।

त्यसक्रममा अस्पताल ब्यवस्थापन समितिका अध्यक्ष अर्जुन न्यौपाने र मेडिकल सुपेरिण्टेण्डेण्ट डाक्टर दिपेन्द्र पाण्डेले कोेरोना संक्रमितहरुको उपचारका क्रममा देखिएका समस्याहरु त्था तत्कालै अपनाईनुपर्ने रणनीतिहरुका बारेमा मन्त्री पाण्डेको ध्यानाकर्षण गराएका थिए ।