मैले तिम्रो सत्ता टिकाउन के गर्नु पर्यो ? भन:

कविता

मैले तिम्रो सत्ता टिकाउन के गर्नु पर्यो भन:
रगत पसिना चुहाएर पनि देश सुम्पे कै छु ।

अनगिन्ती सपनालाई कुल्चेर पनि हाँसेकै छु,
विकृतिको माला लगाए पनि तारिफ गरेकै छु ।

अस्पतालहरुमा लासले भरिएको भएपनि भाषण सुनेकै छु,
विदेशीहरूको गुलाम भएपनि देशभक्त भनिदिएकै छु ।

स्वाधिनतालाई बन्दगी राखेपनि गुलाम भएर ताली बजाए कै छु,
गाउँशहर बस्तीमा लठैतहरु लगाएर जयजयकार गरेकै छु ।

आसेपासेलाई सर्वत्र लुटाएकै छु, नेताको पगरी गुथेको छु,
राज्यलाई ब्रह्मलुट गरेर आफू रमाएको छु, समाचार बनेकै छु ।

गरिब दुखी निसाहायहरूको नेता भनेर महलमा आफू बसेकै छु,
आफ्ना परिवार र इष्टमित्रहरु राज्यदोहनमा भर्ती गरेकै छु ।

अछम्य अपराधहरुलाई गहना जस्तै सजाएर राखेको छु
सर्वहाराको नारा लगाएकै छु, मोजमस्तीमा रमाएर बसेकै छु ।

कसले गर्छ मेरो विरोध एकहुल मान्छे जम्मा गरि सडकमा आएकै छु,
मैले तिम्रो सत्ता टिकाउन के गर्नु पर्यो भन्, मान्छेहरु भर्ती गरेकै छु ।