विराटनगरमा थप ६ जना कोभिड संक्रमितको मृत्यु

३ जेठ, काठमाडौं । कोभिड १९ को संक्रमणबाट  विराटनगरका विभिन्न अस्पतालमा गरी आजमात्र थप ६ जना कोरोना संक्रमितको मृत्यु भएको छ।

विराटनगरस्थित कोसी अस्पतालमा रहेको कोभिड–१९ उपचार केन्द्रमा विराटनगर–१८ का ५५ वर्षीय पुरुषको र अन्यको विराट मेडिकल शिक्षण अस्पतालमा निधन भएको हो ।

यसरी मृत्यु हुनेहरुमा विराटनगर महानगर–४ का ४५ वर्षीय पुरुष, सुनसरीको इनरुवा नगरपालिका–१ का ६२ वर्षीय पुरुष, उदयपुरको कटारी नगरपालिका ४ का ७४ वर्षीय पुरुष, सप्तरीको कञ्चनरूप नगरपालिकाका ६५ वर्षीय पुरुष र कञ्चनरूप–९ का ४५ वर्षीय पुरुषको उपचारको क्रममा मृत्यु भएको हो अस्पताले जनाएको छ ।