३६ दशमलव ५० प्रतिशत लाभांश प्रस्ताव गरेको राधी विद्युतको शेयरमूल्य उच्च दरमा वृद्धि

३ जेठ, काठमाडौं । राधी विद्युत् कम्पनीले सोमवार आकर्षक लाभांश वितरण गर्ने प्रस्ताव गरेसँगै शेयर मूल्य अघिल्लो कारोबारको तुलनामा ९ दशमलव ९४ प्रतिशतले वृद्धि भएको छ ।

कम्पनीको शेयरमूल्य प्रतिकित्ता ७७४ पुगेको छ । कम्पनीले गत आवको मुनाफाबाट शेयरधनीलाई लाभांश वितरण गर्ने प्रस्ताव गरेको छ ।

कम्पनीले ३६ दशमलव ५० प्रतिशत बोनस शेयर वितरण गर्ने प्रस्ताव गरेको हो । कम्पनीको जेठ २ गते बसेको सञ्चालक समितिको बैठकले उक्त लाभांश वितरण गर्ने प्रस्ताव गरेको हो ।

कम्पनीले प्रस्ताव गरेको लाभांश आगामी १५ औं साधारण सभाले पारित गरेपछि शेयरधनीले पाउनेछन् । बोनस शेयर वितरणपछि कम्पनीको कम्पनीको चुक्तापूँजी  ६४ करोड ६३ लाख पुग्नेछ ।