तीन कम्पनीको सर्किट लेभलमा कारोबार, कुनको प्रतिकित्ता शेयरमूल्य कति ?

३ जेठ, काठमाडौं । साताको दोस्रो कारोबार दिन सोमबार नेप्सेमा तीन कम्पनीको सर्किट लेभलमा कारोबार भएको छ । यस दिन रु रु जलविद्युतको शेयरमा सर्किट लागेर कारोबार भएको छ । त्यस्तै, राधी विद्युत र बरुण हाइड्रोपावरको शेयर सर्किट लेबलमा कारोबार भएको छ ।

यस दिन रु रु जलविद्युत कम्पनीको शेयरमूल्य १० प्रतिशतले वृद्धि भएको हो । त्यस्तै, राधी विद्युत र बरुण हाइड्रोपावरको शेयरमूल्य ९ प्रतिशत बढिले वृद्धि भएको हो ।

रु रु जलविद्युत कम्पनीको प्रतिकित्ता शेयरमूल्य ९ सय ६८ रुपैयाँ पुगेको छ । आज कम्पनीको शेयरमा १ लाख ७१ हजार कित्ता शेयर खरिद माग आउँदा शून्य कित्ता बिक्री अर्डर रहेको छ ।

राधी विद्युतको प्रतिकित्ता शेयरमूल्य ७ सय ७४ रुपैयाँ पुगेको छ । त्यस्तै, बरुण हाइड्रोपावरको प्रतिकित्ता शेयरमूल्य ३ सय ५६ रुपैयाँ शेयरमूल्य पुगेको छ ।

आज यी तीन वटै कम्पनीको शेयरमा विक्रेताभन्दा क्रेता धेरै भएकाले शेयरमूल्यमा वृद्धि भएको हो ।