जापानमै अड्किएकी डा. आरजु देउवाले दिइन संक्रमितहरुलाई स्वास्थ्यलाभको कामना

३ जेठ, काठमाडौं । तीन महिनादेखि जापानमा उपचाररत रहेकी  नेपाली कांग्रेस नेतृ तथा कांग्रेस सभापति शेरबहादुर देउवाकी श्रीमती डा. आरजु देउवा राणाले आफू अस्पतालबाट ३ महिनापछि स्वास्थ्यलाभ गरी डिस्चार्ज भएपनि स्वदेश फर्किन नपाएको बताएकी छन् ।

सामाजिक सञ्जाल फेसबुकमा भिडियो सन्देश जारी गर्दै उनले नेपालमा कोरोनाविरुद्धको लडाईमा खटिएका स्वास्थ्यकर्मी, अस्पताल व्यवस्थापक, अस्पताल कर्मचारी, एम्बुलेन्स चालक र सुरक्षाकर्मीलाई धन्यवाद दिएकी छन् ।

उनले कोरोना संक्रमितहरुको स्वास्थ्यलाभको कामना पनि गरेकी छन् । नेतृ देउवाले कोरोनाविरुद्धको लडाईमा आफूले सक्ने जति सहयोग गर्ने र गरिरहेको समेत बताएकी छन् ।

डा. देउवाको जटिल अप्रेशन भएको थियो । तर, कोरोना महामारीका कारण नेपालले अन्तर्राष्ट्रिय उडानमा प्रतिबन्ध लगाएपछि उनी जापानमै अड्किएकी हुन् ।