कोरोना संक्रमित पत्रकारलाई घरमै स्वास्थ्य सेवा

३ जेठ,इनरुवा । नेपाल प्रेस युनियन सुनसरी शाखाले कोरोना संक्रमित सञ्चारकर्मीलाई घरघरमै पुगी स्वास्थ्य सेवा प्रदान गरेको छ । जिल्लाका १२ सञ्चारकर्मी संक्रमित छन् । पहिलो चरणमा होमआइसोलेशनमा रहेका सात सञ्चारकर्मीका निवासमा पुगी स्वास्थ्य सेवासहित आवश्यक सामग्री प्रदान गरिएको युनियन जिल्लाका अध्यक्ष पवन अधिकारीले जानकारी दिए ।

इटहरी कार्यक्षेत्र बनाएर विभिन्न सञ्चारमाध्यममा कार्यरत छ र इनरुवाका एक सञ्चारकर्मीलाई सेवा प्रदान गरिएको उनले जानकारी दिए । आइसोलोशनमा रहँदा ख्याल गर्नुपर्ने विषयमा डाअमितकुमार खतिवडा तथा नर्स किरण चौधरीले सेवा प्रदान गरेका थिए ।