दुई कम्पनीले ९८ करोडको आईपीओ निष्कासन गर्दै, कुनको कति कित्ता ?

४ जेठ, काठमाडौं । शेयरबजारमा दुई कम्पनीले आईपीओ निष्कासन गर्ने भएका छन् । ग्रीन भेन्चर्स र बलेफी हाइड्रोपावर कम्पनीले आईपीओ निष्कासन गर्न लागेका हुन् ।

यी दुई वटै कम्पनीले ९८ करोड बराबरको आईपीओ निष्कासन गर्नेछन् । हालै यी दुई वटै कम्पनीले आईपीओ निष्कासन अनुमति माग्दै नेपाल धितोपत्र बोर्डमा आवेदन दिएका छन् ।

बलेफी हाइड्रोपावर कम्पनी

बलेफी हाइड्रोपावर कम्पनी लिमिटेडले स्थानीय र सर्वसाधारणको लागि ३६ करोड ५५ लाख ९४ हजार रुपैयाँ बराबरको ३६ लाख ५५ हजार ९ सय ४० कित्ता आईपीओ निष्कासन गर्नेछ ।

कम्पनीको आईपीओ निष्कासन तथा बिक्री प्रबन्धकको रुपमा लक्ष्मी क्यापिटल लिमिटेड रहेको छ ।

ग्रीन भेन्चर्स हाइड्रोपावर कम्पनी

ग्रीन भेन्चर्स हाइड्रोपावर कम्पनी लिमिटेडले ६२ करोड ५० लाख रुपैयाँ बराबरको ६२ लाख ५० हजार कित्ता आईपीओ निष्कासन गर्नेछ । उक्त आईपीओ निष्कासन तथा बिक्री प्रबन्धकको काम लक्ष्मी क्यापिटल लिमिटेडले गर्नेछ । यी दुईवटै कम्पनीले बोर्डबाट आईपीओ निष्कासन स्वीकृती पाएपश्चात शेयर बिक्री गर्नेछन् ।