बजेटअधिवेशन कि विश्वासको मत लिन विशेष अधिवेशन दोधारमा प्रधानमन्त्री

४ जेठ, काठमाडौ । प्रधानमन्त्री केपी ओलीले संसदमा बजेट पेश गर्नु  पूर्व नै विश्वासको मत लिने तयारी गरेका छन् । सोमबार साँझ बसेको मन्त्रिपरिषद बैठकमा प्रधानमन्त्री केपी ओलीले बजेट पेश हुनुअघिनै संसदबाट विश्वासको मत लिन चाहेको जानकारी मन्त्रीहरुलाई गराएका हुन ।

तर बजेट अधिवेशन आव्हान नगरी विश्वासको मत लिने प्रयोजनका लागि मात्र विशेष अधिवेशन आब्हान गर्ने वा अब बजेट अधिवेशनको शुरुमै विश्वासको मत लिने भन्ने विषयमा प्रधामन्त्री परामर्शमा मै रहेको बैठकमा सहभागी एक मन्त्रीले जानकारी दिएका छन् ।

बजेट अधिवेशनको आवश्यक तयारी संसद सचिवालयले गरेपनि प्रधानमन्त्री ओलीले समयमै बजेट अधिवेशन बोलाउन चासो दिएका छैनन् । बजेट ल्याउनु पूर्व कम्तिमा १५ दिन अघि ससंसदमा प्रि बजेट छलफल र नीति कार्यक्रम पेश भइसकेको हुनु पर्ने भएपनि संसदमा विश्वासको मत पाउँने निश्चित नभएसम्म प्रधामन्त्री त्यस तर्फ अघि बढन सकेका छैनन् ।

वैशाख ३१ गते राष्ट्रपति विद्यादेवी भण्डारीबाट संसदको ठूलो दलको हैसियतमा संविधानको धारा ७६ को उपधारा ३ अनुसार अल्पमतको भएकाले विश्वासको मत नलिइ बजेट ल्याउन नमिल्ने विपक्षीदलहरुको मत रहेकोँ  छ ।