बादललाई मत हाल्न महासचिवको ह्वीप, सयुक्त निर्णय नभए ह्वीको अर्थ रहदैन: नेपालपक्ष

४ जेठ, काठमाडौ ।  जेठ ६ गतेका लागि तय भएको बागमती प्रदेशको राष्ट्रियसभा सदस्य उपनिर्वाचनमा पार्टीको आधिकारिक उम्मेदवार रामबहादुर थापा ‘बादल’लाई मत हाल्न नेकपा एमालेले ह्वीप जारी गरेको छ ।

एमाले महासचिव ईश्वर पोखरेलले उप निर्वाचनमा सूर्य चिन्हमा मतदान गर्न भन्दै पार्टीका तर्फबाट प्रदेश तथा स्थानीय तहमा निर्वाचित जनप्रतिनिधिलाई पत्र पठाउँदै ह्वीप जारी गरेका हुन् । नेपालपक्षले भने पार्टी दुई पक्षबीच सहमती निर्माण भएको अवस्थामा मात्र पार्टी ह्वीप लागु हुने र अन्य अवस्थमा त्यो मान्य नहुने बताएको छ।

“अध्यक्ष  केपी  शर्मा ओली  र बरिष्ठ नेता माधव नेपाल सहितको बैठकले संयुक्त रुपमा निर्णण गरेपछि हामी त्यही  निर्णयको पालना गर्छौ ।तर आजको दिन सम्म त्यो संयुक्त निर्णय आउने संकते मिलिरहेको छैन । दुई नेताको सहमती संयुक्त निर्णय र निर्देशन नआएसम्म खिमलाल देवकोटालाई आफैले अघि सारेर बादललाई भोट हाल्ने अवस्था रहँदैन । बागमती प्रदेश सांसद रचना खड्काले भनिन् ।

बागमतीमा एमालेको तर्फबाट गृहमन्त्री समेत रहेका थापा उम्मेदवार रहेका माधव कुमार नेपाल पक्ष समेतको सहमतिमा खिमलाल देवकोटालाई विपक्षी गठबन्धनबाट साझा उम्मेदवार रहेका छन् । यस्तो अवस्थामा एमालेका नेपाल पक्षले कसलाई भोट हाल्ला भन्ने अन्योलताका बीच एमालेले ह्वीप जारी गरेको हो । विहिबार मतदानको कार्यक्रम रहेको छ ।