कोरोनाबाट जनस्वास्थ्यकर्मी रत्नलाल श्रेष्ठको ज्यान गयाे

४ जेठ, काठमाडौं । कोरोना भाइरस संक्रमणबाट जनस्वास्थ्यकर्मी रत्नलाल श्रेष्ठको निधन भएको छ । लामो समय जनस्वास्थ्य क्षेत्रमा बिताएका श्रेष्ठलाई २ हप्ता अगाडि कोरोना पुष्टि भएको थियो ।

६५ वर्षका श्रेष्ठको जेठ ३ गते हिजो उपचारकै क्रममा एपीएफ अस्पतालमा निधन भएको स्वास्थ्य मन्त्रालयले जनाएकाे छ । मन्त्रालयका अनुसार अस्पताल भर्ना हुँदा उनको अवस्था सामान्य थियो, एक हप्तापछि स्वास्थ्यमा थप समस्या देखिएपछि आइसियुमा राखिएको थियो, त्यसको ३ दिनपछि भेन्टिलेटरमा राखी उपचार सुरु गरिएको थियो ।

श्रेष्ठ ४ वर्ष अगाडि वरिष्ठ जनस्वास्थ्य प्रशासकबाट निवृत्त भएका थिए ।