बर्दिबासमा सैनिक फिल्ड अस्पताल सञ्चालन
नेपालबहस संवाददाता
जेठ ४, २०७८ मंगलबार १६:३४:६
४ जेठ,महोत्तरी । नेपाली सेनाको मध्यपूर्वी पृतनाले बर्दिबासमा सैनिक फिल्ड अस्पताल सञ्चालन गरेको छ । हाल निर्माणकै चरणमा रहेको बर्दिबास–६, ८, ९ र १३ नं वडा क्षेत्रमा पर्ने सेनाको मध्यपूर्वी पृतना सैनिक शिविर क्षेत्रमा सेनापति पूर्णचन्द्र थापाले सोमबार उद्घाटन गरेसँगै सैनिक फिल्ड अस्पताल सञ्चालनमा आएको हो । अस्पताल मध्यपूर्वी पृतना हेडक्र्वाटरको संयोजन र सैनिक कल्याणकारी कोषको लगानीमा अस्पताल निर्माण भई सञ्चालनमा आएको छ ।
नवनिर्मित २५ शय्याको यस अस्पतालमा नेपाली सेनाका बहालवाला तथा अवकासप्राप्त सैनिक र आश्रित परिवारलाई स्वास्थ्य सेवा उपलब्ध गराइने छ । डेण्टल प्रोसिजर, इएम सर्भिस, बेसिक ल्याब सर्भिस, एक्स रे सेवा, दुर्घटना तथा आकस्मिक सेवा, इनडोर सर्भिस र फार्मेसी सेवा अस्पतालबाट दिइने प्रधानसेनापति थापाले उद्घाटन समारोहमा बताए ।
अवकासप्राप्त र बहालवाला सैनिक र आश्रित परिवारले सेवा पाउने यस अस्पतालमा हाल देशमा भयावहरूपमा फैलिँदै गरेको कोभिड–१९ संक्रमणका कारण स्वास्थ्य क्षेत्रमा उत्पन्न भएको असहज परिस्थितिबीच शय्या उपलब्ध भएसम्म अन्य सर्वसाधारणलाई पनि सेवा उपलब्ध गराउने सेनाले स्पष्ट पारेको छ । अस्पतालसँगै सैनिक शिविर क्षेत्रमै सैनिक आवासीय महाविद्यालय पनि सञ्चालनमा आएको छ । महाविद्यालयको पनि प्रधानसेनापति थापाले सोमबार नै उद्घाटन गरेका हुन् ।
सैनिक आवासीय महाविद्यालय बर्दिबासमा जनमैत्री शैक्षिक कार्यक्रमअन्तर्गत प्रदेश–२ का आठ जिल्लाबाट दुई÷दुई जनाका दरले दलित, जनजाति, विपन्न, पिछडा एवं टुहुरा बालबालिकालाई पूर्ण छात्रवृत्तिसहित अध्ययनको व्यवस्था मिलाइएको मध्यपूर्वी पृतना हेडक्वार्टरले जनाएको छ । यसै शैक्षिक सत्र ९२०७८० बाट कक्षा ६ शुरु गर्ने र प्रत्येक वर्ष क्रमशः कक्षा थप गर्दै लगिने सेनाको मध्यपूर्वी हेडक्वार्टरले जानकारी दिएको छ ।
नेपालबहस संवाददाता
नेपालबहस डटकमको अंग्रेजी संस्करणका साथै अनलाइन टिभी पनि सञ्चालित छ । फेसबुक र ट्वीटरमार्फत पनि हामीसँग जोडिन सकिनेछ । नेपालबहसमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
लेखकबाट थपसेनाको हिमाल सफाइ टोली आज नाम्चेबाट सगरमाथा तर्फ प्रस्थान
बैशाख ५, २०८१ बुधबार
सेन्ट्रल अफ्रिकन रिपब्लिकमा तैनाथ नेपाली शान्ति सैनिकहरुको अदलीबदली
बैशाख ३, २०८१ सोमबार
सैनिक प्रवक्ताको जिम्मेवारी केसीलाई हस्तान्तरण
बैशाख ३, २०८१ सोमबार
राज्यकोषबाट १-२ अर्ब निकालेर सहकारी पीडितलाई दिने गृहमन्त्रीको मुड !
नेपालबहस संवाददाता
बैशाख ११, २०८१ मंगलबार
नेपाल र कतारबीच सरकारी ६ र निजी क्षेत्रका दुई सम्झौतामा हस्ताक्षर
बैशाख १२, २०८१ बुधबार
कम्युनिष्ट नेताको उत्तरी भ्रमण, नेपालमा बामपन्थी मिलाउने चीनको कसरत
बैशाख १२, २०८१ बुधबार
ट्राफिक प्रहरी र यातायातको सेटिङमा १५ हजारमै पाइन्छ ड्राइभिंङ लाइसेन्स
बैशाख १२, २०८१ बुधबार
पूर्वसभामुख अग्नि सापकोटाविरुद्धको मुद्दामा 'हेर्दहेर्दै', अर्को सुनुवाई जेठ २३ मा हुने
बैशाख १२, २०८१ बुधबार
त्रिविका कानुनी सल्लाहकार खनाललाई कारबाही नगर्न आदेश
बैशाख १२, २०८१ बुधबार
सूर्य नेपाल काठमाडौं ओपनको दोस्रो दिन दिनेश र भुवन शीर्षस्थानमा
बैशाख १२, २०८१ बुधबार
गोरखा भूकम्पको ९ वर्ष : पीडित अझै अस्थायी टहरामा
बैशाख १२, २०८१ बुधबार
वेस्ट इन्डिज 'ए' टिमको लगेज लोड गरेको गाडीको तस्बिर बन्यो भाइरल, क्यानको तीव्र आलोचना !
बैशाख १२, २०८१ बुधबार
पर्सामा साना तथा घरेलु उद्योगमा महिला उद्यमीको स्वामित्व बढ्दै
बैशाख १२, २०८१ बुधबार