आइतबार , असार ६, २०७८

एचडियु सेवा सञ्चालन भएपछि संक्रमितलाई सहज

एचडियु सेवा सञ्चालन भएपछि संक्रमितलाई सहज

४ जेठ,परासी । नवलपरासी (बर्दघाट सुस्ता पश्चिम) को एक स्थानीय तहले छुट्टै भवन बनाएर एचडियु (मिनी आइसियु) सेवासहितको आइसोलेशन सेन्टर सञ्चालनमा ल्याएपछि कोरोना संक्रमित बिरामीलाई सहज भएको छ । जिल्लाको बर्दघाट नगरपालिकाले चिसापानीस्थित ढेंडारीफाँटमा कोरोना कहरकैबीचमा अस्पताल भवन बनाएर बीस श्ययाको आइसोलेशन सञ्चालन गरेको हो । सेन्टरमा अहिले गम्भीर प्रकृतिका बिरामीको उपचार भइरहेको छ । जिल्लामा एचडियु सेवा नहुँदा बुटवल, भैरहवा र भरतपुरका अस्पतालमा जानुपर्ने बाध्यता थियो ।

नगरपालिकाले गत वर्षको असारमा कोभिड–१९ महामारीकै बीचमा आइसोलेशन भवन निर्माण शुरु गरेर अहिले आइसोलेशन पुनः सञ्चालनमा ल्याएको हो । दोस्रो लहरको नयाँ भेरियन्टको कोरोना महामारीका कारण अस्पतालहरूमा श्यया र अक्सिजन अभावमा अकालमै मृत्यृवरण र उपचारमै समस्या भोग्नु परेको बेला बर्दघाट नगरपालिकाले जिल्लामै पहिलो एचडियुसहितको सुविधासम्पन्न आइसोलेशन सञ्चालनमा ल्याएको नगरप्रमुख धीरज शर्मा बस्यालले जानकारी दिए ।

Kumari Bank 300x290 new
Global IME Bank Meri unilai
Nepal Life Insurance

बर्दघाटमै सञ्चालनमा रहेको सरकारी स्वामित्वको चिसापानी अस्पतालको आफ्नै जग्गा र भवन नहुँदा सञ्चालन कठिनाइ हुँदै आएको थियो । पहिलो चरणमा करीब रु ७५ लाख र दोस्रो चरणमा करीब रु २० लाखको लागतमा उक्त भवन बनाइएको हो । नगरप्रमुख बस्यालले कोभिड महामारीलाई लक्षित गरी स्वास्थ्य क्षेत्रको पहुँच बढाउन आवश्यक देखिएकाले नयाँ भवन बनाएरै आइसोलेशन सेन्टर बनाइएको बताए ।

उनले अल्पकालीन कोभिड आइसोलेशन र दीर्घकालीन रूपमा चिसापानी अस्पताल सञ्चालन गर्ने उद्देश्यले भवन निर्माण गरिएको जानकारी दिए । आइसोलेशन सेन्टरमा डा शान्ति केसी डा पवन अग्रहरिसहितका विशेषज्ञ चिकित्सकको निगरानीमा अक्सिजनसहितको श्ययामा संक्रमितको उपचार भइरहेको नगरपालिकाका स्वास्थ्य शाखाप्रमुख माधव ज्ञवालीले बताए ।

नगरपालिकाले संक्रमितलाई आइसोलेशन र बुटवलसम्म थप उपचारका लागि जानु परेमा निःशुल्क एम्बुलेन्स सेवा प्रदान गर्दै आएको छ । कोरोना संक्रमितको चापलाई दृष्टिगत गर्दै बर्दघाट नगरपालिकामै रहेको शहीद स्मृति सामुदायिक अस्पतालमा पनि १२ श्ययाको अक्सिजनसहितको आइसोलेशन निर्माण गरिएको नगरप्रमुख शर्माले बताए ।

जिल्लामा रहेका सात स्थानीय तह र अस्पतालले १०३ श्ययाको आइसोलेशन सञ्चालन गरेका छन् । अधिकांश सेन्टरमा विशेषज्ञ चिकित्सक तथा स्वास्थ्यकर्मीको अभाव रहेको छ । जिल्लामा सक्रिय संक्रमितको सङ्ख्या एक हजार ३०० नाघेको छ भने संक्रमणबाट ९५ जनाको मृत्यु भएको स्वास्थ्य कार्यालयले जनाएको छ ।

प्रतिक्रिया

सम्बन्धित समाचार

नेपालबहस ट्रेन्डिङ

लोकप्रिय

यमनका हुथी विद्रोहीद्वारा साउदी हवाई अखडामा ड्रोन आक्रमण यमनका हुथी विद्रोहीद्वारा साउदी हवाई अखडामा ड्रोन आक्रमण ३ हप्ता पहिले
अब सार्वजनिक पदधारण गर्ने व्यक्तिले शपथ ग्रहण गर्दा ‘प्रतिज्ञा गर्दछु’ भन्‍नै नपर्ने अब सार्वजनिक पदधारण गर्ने व्यक्तिले शपथ ग्रहण गर्दा ‘प्रतिज्ञा गर्दछु’ भन्‍नै नपर्ने ४ हप्ता पहिले
बिहीवार विकास बैंक र वित्त कम्पनीको शेयरमूल्य उच्च दरमा वृद्धि बिहीवार विकास बैंक र वित्त कम्पनीको शेयरमूल्य उच्च दरमा वृद्धि २ हप्ता पहिले
पीडा र त्रासमा कोरोनाबाट मृत्यु भएका मृतकका परिवार पीडा र त्रासमा कोरोनाबाट मृत्यु भएका मृतकका परिवार २ हप्ता पहिले
अप्राकृतिक मैथुन गरेको अभियोगमा पक्राउ अप्राकृतिक मैथुन गरेको अभियोगमा पक्राउ १ हप्ता पहिले
नेपाल पक्षको रणनीति हेर्दै, स्थायी कमिटीको बैठक सार्दै नेपाल पक्षको रणनीति हेर्दै, स्थायी कमिटीको बैठक सार्दै ३ हप्ता पहिले
दश महिनामा निर्जीवन बीमा कम्पनीकाे करिब २५ अर्ब बीमा शुल्क संकलन, अग्रस्थानमा शिखर रहँदा पुच्छरमा सानिमा जनरल इन्स्योरेन्स दश महिनामा निर्जीवन बीमा कम्पनीकाे करिब २५ अर्ब बीमा शुल्क संकलन, अग्रस्थानमा शिखर रहँदा पुच्छरमा सानिमा जनरल इन्स्योरेन्स ३ हप्ता पहिले
झापामा विद्यालयको जग्गा आफूखुशी भोगचलन गरेपछि आपत्ति झापामा विद्यालयको जग्गा आफूखुशी भोगचलन गरेपछि आपत्ति २ दिन पहिले