राजेन्द्र महतो संसदीय दलको नेतामा चयन

४ जेठ, काठमाडौं । जनता समाजवादी पार्टीले आफ्नो दलको संसदीय दलको नेतामा राजेन्द्र महतोलाई चयन गरेको पत्र संसद सचिवालयमा पठाएको छ। पार्टीको गत वैशाख ३० गते बसेको बैठकले जनता समाजवादी पार्टीको संसदीय दलको नेतामा महतोलाई चयन गरेको जानकारी संसद सचिवालयमा गराइएको छ।पार्टीले मंगलबार बैठक गरी आफ्नो नेतृत्वमा बाहेक सरकारमा नजाने स्पष्ट पनि गरेको छ।

यसअघि यादवले आफू र अध्यक्ष ठाकुरबीच भएको सहमति अनुसार महतोलाई दिइएको संसदीय दलको नेताको पद खारेज भएको बताएका थिए । तर अध्यक्ष ठाकुरले वैशाख ३० गते बसेको जसपाको संसदीय दलको बैठकले संघीय संसदीय दलको विधान २०७७ अनुसार संसदीय दलको नेतामा महतोलाई निर्वाचित गरेको जानकारी आजै सचिवालयलाई जानकारी गराएका छन् ।