नेपालमा पहिलो पटक अक्सिजन राखिने सिलिन्डर उत्पादनको सफल परीक्षण
नेपालबहस संवाददाता
जेठ ५, २०७८ बुधबार १७:७:१०
५ जेठ, काठमाडौं । नेपाल विज्ञान तथा प्रविधि प्रतिष्ठान ‘नास्ट’ ले मुलुकमै पहिलो पटक ४७ लिटर क्षमताको अक्सिजन राखिने सिलिन्डर उत्पादनको सफल परीक्षण गरेको छ । विस्फोट हुँदा पनि क्षति नहुने गरी बंकरभित्र सिलिन्डर राखेर प्रेसर दिई परीक्षण गरिएको हो । हाल बजारमा १०, २० र ४७ लिटर क्षमताका सिलिन्डर उपलब्ध छन् । उत्पादित सिलिन्डर चीन र भारतको उत्पादनसँग मिल्दोजुल्दो भएको नास्टको भनाइ छ ।
अक्सिजन सिलिन्डर सामान्यतया १५० बार प्रेसरमा भरिन्छ । मंगलबार गरिएको परीक्षणमा २२५ बार प्रेसर दिँदा पनि सिलिन्डर सुरक्षित रहेको थियो । २३५ बार पुग्दा सिलिन्डरमा जोडिएको पाइप वा भल्भमध्ये एकमा समस्या आएको थियो । नास्टका प्रविधि संकाय प्रमुख रवीन्द्र ढकालले निरन्तरको प्रयासले प्रेसर धान्न सक्ने सिलिन्डर तयार भएको बताए । ‘अब पाइप वा भल्भको परीक्षण गरी उत्पादन थाल्नतर्फ लागिनेछ,’ उनले भने ।
कोरोना महामारीका कारण अक्सिजनको चरम अभाव झेलिरहेकामा सिलिन्डरको सफल परीक्षणले ठूलै राहत पुग्ने नास्टको दाबी छ । सिलिन्डरमा चिनियाँ रेगुलेटर प्रयोग गरिएको छ । ‘हाल नेपालमा पाइने सिलिन्डरको न्यूनतम मूल्य करिब १५ हजार रुपैयाँ पर्छ । नास्टको प्रविधि प्रयोग गरी तयार सिलिन्डरको मूल्य त्यसको आधा पनि पर्दैन,’ नास्टका वरिष्ठ प्राविधिक शंकर ढकालले भने । सिलिन्डरको परीक्षणसम्म आइपुग्न नास्टका वरिष्ठ प्राविधिक ढकालको नेतृत्वमा अनुसन्धाताहरू गौतम अर्याल, पूर्णराज सुवेदी, कृष्ण ढकाल, सुजन श्रेष्ठलगायतको टोली खटिएको थियो । यो टोलीले डेढ साताभित्र सिलिन्डर निर्माण गरी परीक्षण गरेको हो ।
यसअघि नास्टले एलपीजी ग्यास र एयर कम्प्रेसर ट्यांकमा परीक्षण गरेको थियो । तर प्रेसर बढी हुने भएर विस्फोट हुने देखिएपछि प्रयोगमा ल्याएको थिएन । शिक्षा, विज्ञान तथा प्रविधिमन्त्री कृष्णगोपाल श्रेष्ठले मंगलबार सिलिन्डर परीक्षणको शुभारम्भ गरेका थिए । उनले केही दिनभित्रै सिलिन्डर उत्पादन गर्ने कम्पनीहरूसँग छलफल गरी व्यावसायिक उत्पादनको अनुमति दिने बताए ।
महामारीकै बीच नास्टले स्वाब कलेक्सन भ्यान, सेनिटाइजर, धुन मिल्ने मास्क उत्पादन गरिसकेको छ । नास्टका उपकुलपति सुनीलबाबु श्रेष्ठले स्वाब संकलन गर्न मोबाइल भ्यान तयार गरी सुरक्षाका तीनवटै निकायलाई हस्तान्तरण गरिसकेको बताए । ‘नास्टले कोभिड नियन्त्रण गर्न अझ महत्त्वपूर्ण योगदान दिनेछ,’ उनले भने ।
नेपालबहस संवाददाता
नेपालबहस डटकमको अंग्रेजी संस्करणका साथै अनलाइन टीभी पनि सञ्चालित छ । फेसबुक र ट्वीटरमार्फत पनि हामीसँग जोडिन सकिनेछ । नेपालबहसमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
लेखकबाट थपभोटखोलामा अवरुद्ध टेलिफोन सेवा एक सातापछि सञ्चालन
बैशाख ७, २०८१ शुक्रबार
नासाले मंगल ग्रहका नमूनाहरू फिर्ता गर्ने, नयाँ डिजाइन खोज्ने
बैशाख ५, २०८१ बुधबार
जर्मनीमा आइटीको अभाव सन् २०४० सम्ममा चौगुना हुने
चैत ३०, २०८० शुक्रबार
राज्यकोषबाट १-२ अर्ब निकालेर सहकारी पीडितलाई दिने गृहमन्त्रीको मुड !
नेपालबहस संवाददाता
बैशाख ११, २०८१ मंगलबार
अमिर शेखको भ्रमणलाई लिएर सुरक्षामा कडाई
नेपालबहस संवाददाता
बैशाख १०, २०८१ सोमबार
नेपाल र कतारबीच सरकारी ६ र निजी क्षेत्रका दुई सम्झौतामा हस्ताक्षर
बैशाख १२, २०८१ बुधबार
इलाम उपनिर्वाचनमा कांग्रेस
बैशाख १२, २०८१ बुधबार
कम्युनिष्ट नेताको उत्तरी भ्रमण, नेपालमा बामपन्थी मिलाउने चीनको कसरत
बैशाख १२, २०८१ बुधबार
यस्तो छ तपाइको आजको राशिफल
बैशाख १३, २०८१ बिहिबार
बागमती मन्त्रिपरिषद् बैठक : लैङ्गिक तथा यौनिक अल्पसङ्ख्यक नीति स्वीकृत
बैशाख १२, २०८१ बुधबार
स्याङ्जामा आगोले पाइप जलेपछि खानेपानीको समस्या
बैशाख १२, २०८१ बुधबार
खोटाङमा डढेलो निभाउने क्रममा जलेर वृद्धको मृत्यु
बैशाख १२, २०८१ बुधबार
महोत्तरीको मटिहानीमा आगोले बस्ती नै सखाप
बैशाख १२, २०८१ बुधबार
इलाम उपनिर्वाचनमा कांग्रेस
बैशाख १२, २०८१ बुधबार