कोरोना भाइरसको संक्रमणबाट बाँकेमा थप १७ जनाको मृत्यु

५ जेठ, काठमाडौं ।  कोरोना भाइरसको सक्रमणबाट बाँकेमा थप १७ जनाको ज्यान गएको छ । गएरातिबाट आज विहानसम्म बाँकेका विभिन्न अस्पतालमा उपचारत १७ जनाको भाइरसबाट निधन भएको जिल्ला जनस्वास्थ्य कार्यालय बाँकेले जनाएको छ ।

मृत्यु हुनेमा रुकुम पश्चिमकी २७ वर्षीया महिला बाँकेका ६७, ४२ वर्षीय पुरुष छन्।  त्यस्तै बर्दियाका ६३ वर्षीया र  ३८ वर्षीया महिला छन्।   यस्तै दाङका ६५ वर्षीय पुरुष र कैलालीका ६८ वर्षीया महिला,बाँकेका ७३ वर्षीया महिला, दाङकी ३० वर्षीया महिला, रुकुम पश्चिममा ३६ वर्षीय पुरुष, बाँकेका ४१ वर्षीय पुरुष छन्।

त्यस्तै बर्दियाका ८४ वर्षीय पुरुष बाँकेकै ४५ वर्षीय पुरुष, ५९ वर्षीया महिलाको ज्यान गएको छ। यस्तै कैलालीका २८ वर्षीय पुरुष, बाँकेका ६१ वर्षीय पुरुष र ५८ वर्षीय महिला छन्। यो सँगै बाँकेमा कोरोनाबाट मृत्यु हुनेको संख्या २ सय ५३ पुगेको छ।