राधी विद्युतसहित आठ कम्पनीको सर्किट लेबलमा कारोबार, शेयरमूल्य कति ?

५ जेठ, काठमाडौं । साताको चौथो कारोबार दिन बुधवार कारोबार भएको पौने एक घण्टामा आठ ओटा कम्पनीको शेयर मूल्य उच्चदरमा वृद्धि भएको छ ।

उक्त अवधिसम्ममा सबैभन्दा बढी तारागाउँ रिजेन्सी होटलको शेयरमूल्य अघिल्लो कारोबार दिनको तुलनामा १० प्रतिशतले वृद्धि भएको हो ।

त्यसैगरी राधी विद्युत् कम्पनीको शेयर मूल्य ९ दशमलव ९९ प्रतिशत, रू रू जलविद्युत् परियोजनाको ९ दशमलव ९६ प्रतिशत, ओरियण्टल होटलको ९ दशमलव ९६ प्रतिशतले वृद्धि भएको छ ।

त्यसैगरी नेपाल फाइनान्सको ९ दशमलव ८२ प्रतिशत, कर्णाली डेभलपमेण्टको ९ दशमलव ६२ प्रतिशत, सोल्टी होटलको ९ दशमलव ५७ प्रतिशत र दिब्यश्वरी हाइड्रोपावरको शेयर मूल्य ९ दशमलव ३५ प्रतिशतका दरले वृद्धि भएको छ ।

ती आठ ओटै कम्पनीको शेयरमा विक्रेताभन्दा क्रेता धेरै भएकाले शेयर मूल्य बढेको हो ।

उक्त अवधिसम्ममा तारागाउँ रिजेन्सी होटलको शेयर मूल्य ३५२, राधी विद्युत् कम्पनीको ९३६, रू रू जलविद्युत् कम्पनीको  १ हजार १७०, ओरियण्टल होटलको ५०८, नेपाल फाइनान्सको ४३६, कर्णाली डेभलपमेण्ट बैंकको २६२,सोल्टी होटलको २२९ र दिब्यश्वरी हाइड्रोपावरको शेयर मूल्य २३४ पुगेको छ ।