चार कम्पनीको शेयरमूल्य ९ प्रतिशत भन्दा बढीले वृद्धि

५ जेठ, काठमाडौं । बुधवार कारोबारको तेस्रो घण्टामा नेप्से परिसूचक २३ दशमलव ६९ अंकले घटेर २ हजार ७७० दशमलव २० विन्दुमा पुगेको छ ।

शून्य दशमलव ८५ प्रतिशतले घटेको बजारमा २१३ ओटा कम्पनीको ९ अर्ब २४ करोड ४९ लाख ३६ हजार बराबरको खरीदविक्री भएको छ ।

कारोबारको तेस्रो घण्टामा समता घरेलु लघुवित्त, रु रु जलविद्युत् परियोजना, खानीखोला हाइड्रोपावर र कर्णाली डेभलपमेण्ट बैंकको शेयरमूल्य ९ प्रतिशतभन्दा बढीले वृद्धि भएको छ ।

तेस्रो घण्टामा कारोबारमा आएका १३ ओटा समूहको परिसूचकमध्ये बैंकिङ, र म्युचुअल फण्ड समूहको परिसूचक बढेको छ भने बाँकी व्यापार, होटल्स तथा पर्यटन, विकास बैंक, जलविद्युत्, वित्त, निर्जीवन बीमा, उत्पादन तथा प्रशोधन, अन्य, लघुवित्त, जीवन बीमा र लगानी समूहको परिसूचक घटेको छ ।

यस अवधिसम्म नेपाल पुनर्बीमा कम्पनीको सर्वाधिक कारोबार भएको छ । उक्त कम्पनीको ४३ करोड ४२ लाख बराबरको शेयर कारोबार भएको छ । सो अवधिसम्म कम्पनीको शेयरमूल्य १ हजार ६५५ मा कारोबार भइरहेको छ ।

कारोबार रकमकै आधारमा सर्वाधिक कारोबार हुने दोस्रो कम्पनीमा नेशनल लाइफ इन्स्योरेन्स रहेको छ । उक्त कम्पनीको प्रतिकित्ता २७५ मा ३९ करोड २३ लाख बराबरको शेयर खरीदविक्री भएको छ ।