उप-निर्वाचनमा मतदान सुरु हुँदै, १३ जना मतदातामा कोरोना संक्रमण
नेपालबहस संवाददाता
जेठ ६, २०७८ बिहिबार १३:२३:५२
६ जेठ, काठमाडौं । बागमती प्रदेश राष्ट्रियसभा सदस्यका लागि आज उप-निर्वाचन हुँदै छ । विहान नौं बजेबाट मतदान शुरु हुँदै छ । मतदानको समय तीन बजेसम्म तोकिएको छ। राष्ट्रियसभा सदस्य उप-निर्वाचन निर्वाचन अधिकृतको कार्यालय बागमती प्रदेशले हेटौँडा उपमहानगरपालिका वडा नं. ४ स्थित भुटनदेवी माध्यमिक विद्यालयस्थित मतदान स्थलमा मतदान केन्द्रको व्यवस्था, सुरक्षालगायतका व्यवस्था सम्पूर्ण तयारी पुरा भएको जनाएको छ ।
बागमती प्रदेशका जिल्लाहरुबाट मतदातहरु हेटौडा आइपुगेका छन् । कोरोना (कोभिड–१९) सङ्क्रमणको जोखिमका बीच हुन गइरहेको उपनिर्वाचनमा मतदान स्थल र मतदान केन्द्रमा स्वास्थ्य सावधानीका सम्पूर्ण उपाय अपनाएर मतदान गर्ने व्यवस्था गरिएको छ ।
निर्वाचन अधिकृत एवं मकवानपुर जिल्ला अदालतका जिल्ला न्यायाधीश डिल्लीरत्न श्रेष्ठले उप-निर्वाचनमा स्वास्थ्य सुरक्षा अनिवार्य गर्दै कोभिड–१९ सङ्क्रमित मतदाताका लागि छुट्टै मतदान केन्द्रको व्यवस्था गरिएको जानकारी दिए ।कोभिड–१९ सङ्क्रमित प्रदेश सभाका सदस्य एवं नगरपालिकाका प्रमुख र उपप्रमुख तथा गाउँपालिकाका अध्यक्ष र उपाध्यक्षहरूले मतदान गर्नका लागि छुट्टै मतदान केन्द्र व्यवस्था गरी मतदान केन्द्र (ग) थप गरिएको छ ।
मतदान स्थलमा यसअघि प्रदेश सभा सदस्यका लागि केन्द्र (क) एवं नगरपालिकाका प्रमुख र उपप्रमुख तथा गाउँपालिकाका अध्यक्ष र उपाध्यक्षका लागि केन्द्र (ख) गरी छुट्टाछुट्टै दुईवटा मतदान केन्द्र तोकिएको थियो ।
यसअघि ७२ घण्टा अवधिको पीसीआर परीक्षणको रिपोर्ट देखाएरमात्र मतदान स्थल तथा मतदान केन्द्रमा प्रवेश गर्नुपर्ने अनिवार्य गरेकोमा छलफलपछि पीसीआर परीक्षण नगराएका मतदातालाई मतदानबाट वञ्चित नगर्ने सहमति बनेको भएको छ। हालसम्म १३ जना मतदातामाले आफुलाई कोरोना संक्रमण रहेको जानाकारी गराएका छन् ।
उप-निर्वाचनमा नेकपा एमालेबाट गृहमन्त्रीसमेत रहनुभएका रामबहादुर थापा, नेपाल मजदुर किसान पार्टी (नेमकिपा)बाट कृष्णबहादुर तामाङ र स्वतन्त्र उम्मेदवार डा. खिमलाल देवकोटा प्रतिस्पर्धा गर्दैछन् । सङ्घीयताविद् देवकोटा नेपाली कांग्रेस, नेपाल कम्युनिस्ट पार्टी (माओवादी केन्द्र), नेकपा (एमाले)को माधवकुमार नेपाल पक्ष र जनता समाजवादी पार्टी (जसपा)को समर्थनमा उम्मेदवारी दिएका हुन ।
तीन दलका अतिरिक्त नेपाल पक्षको साथ भएपछि मतभारलाई हेर्दा डा देवकोटाको जित सहज देखिन्छ । थापालाई जित्न भने निकै कठिन देखिन्छ । बागमती प्रदेशको अन्य समूहबाट निर्वाचित हुने रिक्त राष्ट्रिय सभा सदस्यको निर्वाचनको मत गणना र परिणाम घोषणा बिहीबार साँझ नै हुने भएको छ ।
बागमती प्रदेशबाट २०७४ फागुनमा भएको राष्ट्रिय सभा निर्वाचनमा नेपाल कम्युनिस्ट पार्टी (माओवादी केन्द्र)बाट विजयी बनेका थापा एमाले प्रवेश गरेपछि माओवादी केन्द्रले थापालाई कारबाही गरी राष्ट्रिय सभा सदस्य पद रिक्त भएको थियो ।
बागमती प्रदेशको रिक्त राष्ट्रियसभा सदस्यको उपनिर्वाचन प्रयोजनका लागि ३४८ जना मतदाता रहेकोमा प्रदेश सभाका सदस्य पशुपति चौलागाईंको कोरोना सङ्क्रमणबाट निधन भएपछि ३४७ मतदाता भएको छ । प्रदेश सभाको मतभार ४८ र स्थानीय तहका मतदातको मतभार १८ कायम गरिएको छ ।
नेपालबहस संवाददाता
नेपालबहस डटकमको अंग्रेजी संस्करणका साथै अनलाइन टिभी पनि सञ्चालित छ । फेसबुक र ट्वीटरमार्फत पनि हामीसँग जोडिन सकिनेछ । नेपालबहसमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
लेखकबाट थपस्काउटको जग्गा कब्जामा गृहमन्त्रीको चासो, मन्त्रालयमा आयुक्तसँग छलफल
चैत १५, २०८० बिहिबार
आईजीपी परिर्वतनको तयारीमा गृहमन्त्री लामिछाने, पुग्ला त चलाउनेको भविष्यवाणी ?
चैत १५, २०८० बिहिबार
८ सय ७७ प्रहरी काजबाट फिर्ता
चैत १५, २०८० बिहिबार
सादा पोशाकमा प्रहरी परिचालन नगर्न हेडक्वार्टरको पत्र
चैत १५, २०८० बिहिबार
डीएसपी बढुवा सिफारिसमा किन विवादमा आए प्रधानमन्त्री प्रचण्ड र अध्यक्ष ओली ?
चैत १६, २०८० शुक्रबार
नेपाली सेनाको उच्चस्तरीय राष्ट्रिय सुरक्षा तालिम सम्पन्न
चैत १६, २०८० शुक्रबार
सवारी दुर्घटनाः सुदूरपश्चिममा साढे तीन वर्षमा ६ सय ७४ को मृत्यु
चैत १६, २०८० शुक्रबार
राजस्व छलीका गाडी र मोटरसाइकलसहित तीन जना पक्राउ
चैत १६, २०८० शुक्रबार
सर्वोच्चले गरिदियो कांग्रेस सांसद गुरुङको निलम्बन फुकुवा
चैत १६, २०८० शुक्रबार
आयरल्याण्ड वोल्भ्सविरुद्ध लोकेश बमको शतक
चैत १६, २०८० शुक्रबार
बागमती प्रदेशस्तरीय भलिबल प्रतियोगिता हुने
चैत १६, २०८० शुक्रबार