बादललाई मत नदिने पक्का भएपछि ओलीको निर्देशनमा कार्यदलको बैठक अनिश्चित !

६ जेठ, काठमाडौं ।  राष्ट्रियसभा सदस्यको उपनिर्वाचनमा राम बहादुर थापा बादलाई सहयोग गर्ने वातावरण निर्माणका लागि बुधार दिभर जसो पार्टी अध्यक्ष एव प्रधानमन्त्री केपी शर्माले निकै कसरत गरे । बादलाई सहयोग गर्न नसकिने अडानमा नेपाल पक्ष टसमस नभएपछि ओलीले विवाद समाधान गराउन गठित कार्यदलमा आफ्नो तर्फबाट राखिएका सदस्यलाई कार्यदल बैठक छाडेर निर्वाचनमा लाग्न निर्देशन दिए । जसका कारण कार्यदलको बैठक अनिश्चित मात्र बनेको छैन  यसबाट बादलले हारेको अवस्थामा कार्यदल विघटन गरदिने संकेत ओलीले दिएका छन् ।

२०७५ जेठ ३ मा फर्कने बाचा गरी बैकल्पिक गठवन्धन सरकार निर्माणका लागि माधव नेपालपक्षले दिन लागेको राजीनामा रोक्न सफल ओली यसपटक भने बादलाई सहमति जुटाउन असफल भए । जति प्रयास गर्दापनि माधव नेपालपक्षले आफैले अघिसारेको उम्मेदवारबाट व्याक हुन नसक्ने अडान लिएपछि ओलीले निर्वाचन आचार संहितको विपरित बादलाई भोट मात्र मागेनन् र मतदातालाई तर्साउने काम पनि गरे ।ओलीको अनेक प्रयास बीचपनि नेपालपक्ष आफ्नो अडामा टसमस नभएपछि ओलीले कार्यदलको बैठक रोकेर नेताहरुलाई  निर्वाचको तयारीमा लाग्न निर्देशन दिए । जसको कारण हिजो साझँका लागि तय भएको कार्यदलको बैठक नै बस्न नसकेको नेताहरुले बताएका छन् ।

ओलीले सहमती चाहेको भन्दा पनि भूलभूलैयमा पार्ने झुक्याउने चालबाजी अपनाएको अंशका नेपाल पक्षका नेताहरुले गरेका छन्।  ‘अध्यक्षज्यू बादलाई जिताउदा पार्टी बलियो हुन्छ भनेर लाग्नु भएको छ । हामी आफैले उठाएका उम्मेदवारलाई धोका दिन सक्दैन । नेपालसंग त्यो सहमती नजुटेपछि उहाँले कार्यदलका सदस्यहरुलाई चुनावमा लाग्न निर्देशन दिनुभयो । निर्वाचन परिणाम आएपछि सायद कार्यदलको बैठक पनि बस्ने छैन’ कार्यदलका एक सदस्यले भने ।

तर नेपाल पक्षलाई कार्यदलका सदस्यलाई भने सुवास नेम्वमङ्गले लुम्वीनी  प्रदेशका मुख्यमन्त्री एवम् कार्यदल सदस्य शंकर पोखरेल अनुपस्थित हुने भएपछि बैठक स्थगित गरिएको जानकारी  गराएका थिए । तीन दिनको समयम सीमा दिएको कार्यदलले तीनवटा बैठक बस्न सकेको छैन ।