४ दशमलव ४० अंकले बढेर बजारमा बैंक अफ काठमाण्डूको सर्वाधिक कारोबार

६ जेठ, काठमाडौं । बिहीवार कारोबारको दोस्रो घण्टामा नेप्से परिसूचक ४ दशमलव ४० अंकले बढेर २ हजार ७८५ दशमलव २० विन्दुमा पुगेको छ । यस अवधिमा परिसूचक शून्य दशमलव १६ प्रतिशतले बढेको हो ।

दोस्रो घण्टाको अवधिमा १९७ ओटा कम्पनीको  ४ अर्ब ३८ करोड ६४ लाख ५ हजार बराबरको खरीदविक्री भएको छ ।

कारोबारको दोस्रो घण्टामा समता घरेलु लघुवित्तको शेयरमूल्य सर्वाधिक ९ दशमलव ९६ ले बढेर प्रतिकित्ता शेयरमूल्य १ हजार ८७६ कायम भएको छ ।

यस अवधिसम्म बैंक अफ काठमाण्डूको सर्वाधिक कारोबार भएको छ । उक्त कम्पनीको  २० करोड ७१ लाख बराबरको शेयर कारोबार भएको छ । सो अवधिसम्म कम्पनीको शेयरमूल्य ३४७ मा कारोबार भइरहेको छ ।

दोस्रो घण्टामा कारोबारमा आएका १३ ओटा समूहको परिसूचकमध्ये बैंकिङ, विकास बैंक, वित्त, उत्पादन तथा प्रशोधन र म्युचुअल फण्ड समूहको परिसूचक बढेको छ भने बाँकी व्यापार, होटल्स तथा पर्यटन, जलविद्युत्, निर्जीवन बीमा, अन्य, लघुवित्त, जीवन बीमा र लगानी समूहको परिसूचक घटेको छ ।