राष्ट्रपति र प्रधानमन्त्रीको कदम असंवैधानिक: संविधानविद्

६ जेठ, काठमाडौं । संसदमा विश्वासको मत नलिने र राजीनामा नदिइ नयाँ सरकार गठनका लागि प्रधामन्त्रीले सिफारिस गर्ने र राष्ट्रपतिले वैकल्पिक सरकार गठनको आब्हान गरेर राष्ट्रपति र प्रधानमन्त्री दुवैले फेरी संविधान मिच्ने काम गरेको संविधान विद्हरुले बताएका छन् । प्रधामन्त्रीले राजीनामा नदिएको र विश्वासको मत लिन संसदमा नगएको अवस्थमा  राष्ट्रपतिले नयाँ सरकार गठनको आव्हान गर्न  नमिल्ने उनिहरुको भनाई छ ।

संविधानविद्  टिकाराम भटराई भन्छन्, “राष्ट्रपतिले नयाँ सरकार गठनका लागि आहृवान गर्न प्रधानमन्त्रीले संसदबाट विश्वासको मत नपाएको अवस्था हुनुपर्छ कि उनले राजीनामा दिनुपर्छ  तर यो दुवै परिस्थिति अहिले छैन । यो सरासार संविधान विपरितको कार्य हो ।

यस्तै संवैधानिक कानूनका जानकार भिमार्जुन आचार्यले पनि राजीनामा पनि नदिने र विश्वासको मत पनि नलिने भनेर प्रधानमन्त्री बसेको अवस्थामा नयाँ सरकार गठनको आहृवान गर्नु भनेको संविधानको जालसाजीपूर्ण प्रयोग गर्ने काम भएको बताएका छन् ।  यसले ७६ (३) को प्रधानमन्त्रीलाई संसद विघटनको अवसर दिने गरी योजनावद्ध ढंगबाट संसद गरिएको उनको भनाई छ ।

यता प्रतिपक्षी दलहरुले पनि प्रधानमन्त्री र राष्ट्रपतिको कदम संवैधान लोकतन्त्र मास्ने षणयन्त्रको रुपमा अर्थाएका छन् ।  राष्ट्रपतिले प्रधानमन्त्री नियुक्तिका लागि दावी प्रस्तुत गर्न २१ घण्टा मात्र समय दिनुले पनि राष्ट्रपति लोकतन्त्र मास्न मतियार बन्न पुगेको आरोप उनिहरुले लागाएका छन् ।