संविधान रक्षाकालागि राष्ट्रपतिविरुद्ध महाअभियोग लगाउँः थापा

७ जेठ,काठमाडौं । नेपाली कांग्रेसका नेताहरुले पटक- पटक संविधान विपरित कार्य गर्ने राष्ट्रपति विध्यादेवी भण्डारीविरुद्ध माहाअभियोग लगाउनु पर्ने धारणा राखेका छन् । राष्ट्रपति भण्डारीले संविधान उल्लघंन गर्ने काम गरेकाले उनिविरुद्ध तत्काल महाअभियोग ल्याउनु पर्ने आवाज कांग्रेसभित्र उठेको छ।

ओलीको संविधान विरोधी हर्कतलाई साथ दिदै राष्ट्रपतिबाट संविधान मिच्ने काम भएकाले दुवैलाई सवक सिकाउने गरी नयाँ सरकार बनाउन र राष्ट्रपतिविरूद्ध महाअभियोग लगाउन कांग्रेस नेता गगन थापाले माग गरेका छन्।

“विश्वासको मत लिन मन नलागे प्रमले राजिनामा गर्ने अनि राष्ट्रपतिले प्रकृया शुरु गर्ने हो नेतागण,के राष्ट्रपति र प्रमले थाहा नपाएर यो गरेको हो ?जानेर गरेको हो। गनगन गरेर नबसौं। सुझबुझ पुर्याउँ र यिनले दिएको समय अगावै नयाँ सरकार बनाएर ओलिलाई बिदा गरौं,महाअभियोग लगाएर रापलाई बिदा गरौं।’ कांग्रेस नेता थापाले सामाजिक संजाल फेसबुकमा लेखेका छन् ।

कांग्रेसले राष्ट्रपतिविरूद्ध महाअभियोग, प्रधानमन्त्रीलाई अविश्वास प्रस्ताव, दलहरूको सहकार्यमा नयाँ सरकार गठनलगायतका विषय केन्द्रमा राखेर आज नेताहरूसँग छलफल गर्न पदाधिकारी बैठक बोलाएको छ । राष्ट्रपतिमाथि महाअभियोग लगाएपनि पारितहुने संख्यमा भने विपक्षीदलसँग छैन ।