शेयर बजारलाई भ्रमित पार्ने गरी अभिव्यक्ति नदिन धितोपत्र बोर्डको निर्देशन

७ जेठ, काठमाडौं । नेपाल धितोपत्र बोर्डले कुनै शेयर किन्न वा बेच्नका लागि उत्साहित गराउने कार्य नगर्न निर्देशन दिएको छ । कुनै व्यक्ति तथा संस्थाले सञ्चार माध्यम तथा सामाजिक सञ्जालहरुबाट शेयर बजार घट्ने वा बढ्ने तथा कुनै शेयर किन्न वा बिक्री गर्नका लागि उत्साहित गर्ने गरेको भन्दै त्यस्तो नगर्न बोर्डले भनेको हो ।

साथै, अनाधिकृत तवरले अन्तरवार्ता र अभिव्यक्तिसमेत नदिने बोर्डले सम्झाएको छ । यसरी टिकाटिप्पणी गरिंदा बजारको स्वतन्त्ररुपले सञ्चालन हुने व्यवस्थालाई समेत प्रभावित बनाउने बोर्डको भनाई छ । धितोपत्र सम्बन्धी ऐन २०६३ ले पनि कसैलाई प्रभावित पार्ने हिसाबले अभिव्यक्ति दिन नपाइने बोर्डले उल्लेख गरेको छ ।